Góðanáttsøgur til rebelskar gentur (9)
Bókin ger ævintýr av nýggjum, gevur gentum íblástur við 100 søgum um kvinnuhetjur frá Elizabeth l til Serenu Williams. 60 listakvinnur úr øllum herðashornum hava myndprýtt, hetta er mest stuðlaða upprunabók í søguni hjá hópfígging.
Einki samband (30)
Sølvi er ein stúrin ungur drongur úr Reykjavík, ið er sendur út á bygd til ommuna, sum hann næstan ikki kennir. So hví verður hann noyddur út á bygd? Tann almenna frágreiðingin er, at foreldrini mugu fáa skil á fíggjarviðurskiftunum–pápin ætlar sær til skips og mamman til Noregs. Men Sølvi hevur eisini ymiskt at dragast við, og nú má tað fáast í rættlag við at lata hann strevast á garðinum hjá ommuni. Uttan telefon og atgongd til internetið!
So vøkur tú ert
Skaldsøgan sigur eina søgu um ein drong, sum er um at gerast ungur maður, ímeðan ein annar ungur maður fánar burtur. Tað snýr seg um at taka teir møguleikarnar, sum lívið hevur at bjóða – og um at ein dag eru ikki fleiri møguleikar eftir. Skaldsøgan er poetisk og viðger djúp og álvarsom evni sum deyða og sorg, men hon hevur samstundis eina fangandi hendingagongd og livandi samrøður.Søgan lýsir, hvussu sorg og forelskilsi kunnu kennast hjá einum ungum menniskja í dag.
Bókin um Dust- fyrsta bind (16)
Malcolm Polstead arbeiðir á vertshúsinum hjá foreldrum sínum,og har hoyrir hann orðið dust.Tað er okkurt serligt við hesum dustinum.Sum um tað ikki er heilt vanligt dust.Hendan veturin regnar tað sum ongantíð fyrr,og alt verður undir í vatni.Eitt str íð millum vísindi,politikk og átrúnað er byrjað.Malcolm missir alt í illveðrinum,og hann noyðist at fara á eina ferð,sum broytir lív hansara.Við á ferðini í kanoini,sum eitur La Bella Sauvage,eru pinkubarnið Lyra og Alice.Og teir tríggir daimonarnir.
Harry Potter og Bannsetta Barnið
Tað var trupult at vera Harry Potter,og tað er ikki nógv lættari nú,hann er overvaður av sínum arbeiði fyri Gandamálaráðið umframt at hava konu og vera pápi hjá trimum børnum í skúlaaldri.Meðan Harry stríðist við fortíðina,sum sýtir fyri at vera har, hon hoyrir heima,má yngsti sonurin,Albus,stríðast við byrðarnar av familjusøguni,sum ongantíð ynskti sær.
Alt sum telur
Petru dámar væl makað tøl, tí tey skapa javnvág í alheiminum, men hon verður í ørviti av pi. Steffan á Námsfrøðiligu og Sálarligu Ráðgevingini sigur,at Petra hevur gandakendar tankar, og at hon skal bjóða óttanum av. Vinkonan Melika er flóttafólk og saknar beiggja sín, sum kanska er heimsborgari. Petra – ella loyniumboð Pi – setur sær fyri at brúka gandakendar tankar til at fáa hann heim til Noregs.
Harry Potter 3 v/myndum - og fangin úr Azkaban(6)
Ein brotsmaður er rýmdur úr fangatippinum, Azkaban, og óhugnaligu fangavørðarnir í Azkaban eru bidnir um at koma til Hogwarts og ansa eftir næmingum, lærarum og skúla. Harry fær at vita um foreldrini hjá sær og umstøðurnar, tá ið Voldemort drap tey.
Billie. Fráferð 9:42 til nýggja lívið (50)
Fosturfamiljan hjá Billie býr í einum brúnum húsum í Búkróki. Billie kemur úr Stockholm, og staðið, har hon skal vera, er so lítið, at hon veit næstan ikki av, at tey eru frammi, tá ið bilurin bremsar.Billie er ein ørðvísi genta enn tær,sum búgva í Búkróki,hon hevur sín egna vilja og er altíð í góðum lag,sjálvt um umstøðurnar ikki eru so framúr góðar.Og so er okkurt løgið við hesari prestafamiljuni í Búkróki,tað er so kalt inni, og øll eru so álvarsom og Billie er forvitin.
Zenobia
Havið er stórt og tómt. Her finnur ongin meg. Her finna mamma og pápi meg ikki.
Maðkamáni
Søgan fer fram í einum hugsaðum tíðarskeiði í Bretlandi í fimmtiárunum, har Standish Treadwell og abbi hansara búgva saman við hinum óynsktu í sonu 7. Øll verða stýrd av einum ræðslustýri,kallað Móðurlandið.Men tann orðblindi Standish sær heimin við eygum, enn tey flestu gera,og vegna sínar dreymar og sítt dirvi finnur hann sín besta vin, Hector, sum er horvin, og megnar harafturat at týna kúgandi valdið hjá Móðurlandinum.
Múrurin
Øll hesumegin múrin, har Josva býr, vita eitt: múrurin ger, at tú kennir teg tryggan. Tú mást ikki fara yvir á hina síðuna. Josva skýtur fótbóltin inn á eina byggigrund og kemur fram á ein loyniligan tunnil. Bølamyrki tunnilin fer allan vegin inn undir múrin og yvir á forboðið øki, har hann ikki eigur at fara.Tá ið Josva kemur upp í dagslýrið hinumegin múrin, broytist lív hansara fullkomuliga.Ein trettan ára gamal kann ikki bróta ein múr niður,men hann kann so nógv annað.
Holið
Ein nýggjur tunnil bindur ta avbyrgdu bygdina Fjallvík saman við restini av landinum.Men hvat kemur burtur úr tí svarta tunnilsholinum?Framburður og vælferð, lova politikararnir.Synd og ógudiligheit, ávarar pápi Dávid. Dávid veit ikki, hvat hann skal halda.Hann er ein serligur drongur, sigur mamman. Onnur kalla hann yvirklókan.Tíbetur eigur hann ein stórabeiggja, Pætur sum ansar eftir honum. Men hvat nú, um Pætur rýmir gjøgnum tunnilin,burtur frá honum...?
Eldførið
Ein ungur soldatur, ein fongslað prinsessa, heksir, úlvar og Deyðin ganga hond í hond í hesi framúrskarandi bókini eftir heiðurslønta rithøvundan Sally Gardner. Íblásturin til søguna hevur hon fingið úr kenda ævintýrinum hjá H. C. Andersen Eldføri. Otto Hundebiss er hermaður og troyttur av krígnum. Hann verður særdur, men kemur undan við lívnum.Ein loyndarfullur skapningur, hálvt beist og hálvt maður, er um hann, til hann er komin fyri seg.
So normal og tó ikki
Bókin er skrivað yvir fleiri ár.Hon byrjar í 2009 og endar í 2016. Hon er sett saman av dagbókabrotum, sangum, matuppskriftum, men serliga av frásøgum um, hvussu tað er at liva sum ung kvinna við autismu.Hvørjar avbjóðingar kunnu vera, og hvussu trupult lívið kann vera. Hon er eisini um alt tað positiva í lívinum, kærleikan til familjuna, hjálparfólk, sum Birita er blivin góð við, tónleikin, bøkurnar, handarbeiðið.
Half Lost - Tað vilsta í mær
Nathan Byrn flýggjar aftur. Samgongan er syndrað, spjadd og framvegis jagstrað av Ráðnum. Bert við dirvi og snildi kunnu uppreistrarmenninir bjarga sær undan fulkomna ósigrinum.Teimum tørvar hina helvtina av verndargripinum hjá Gabriel, ein elligamal lutur, sum gevur beraranum ósigrandi mátt. Men verjin hjá verndargripinum, hin máttmikla heksin, Ledger, hevur sína egnu ætlan. Fyri at vinna hennara álit, má Nathan fara til USA at sannføra hana um at geva honum verndargripin.
Harry Potter 2 við myndum (10)
Harry Potter og kamarið við loynidómum byrjar við, at húsálvurin Dobby ávarar Harry og biðir hann um ikki at fara á Hogwarts, tí okkurt ræðuligt fer at henda honum. Men sjálvandi fer Harry avstað, og sjálvandi hendir nógv ræðuligt, ímeðan hann og Ron og Hermione leita eftir kamarinum við loynidóminum.