Baby Blues
Jimmy situr inn ímóti garðinum, hendur í favn. Eg veit ikki, um hann er illur við meg ella okkurt. Hann sigur einki. Eg veit ikki, hvussu leingi vit sótu soleiðis. Og eg hugsi, hvussu ber tað til, í áðni var alt so gott, og nú er alt av hundanum til. Eg eri køld, og skelvi.
Bardagin um Salajak (18)
Høgt uppi í norðri, í fjallaborgini Salajak, vaknar kongliga vittruliðið og strekkir sínar veingir út eftir vetrardvalan. Teimum leingist eftir kjøti, feskum kjøti … Samstundis rýma tríggir beiggjar av garði sínum fyri at fara í part við herin, sum skal steðga óndu gerðunum hjá vittrunum. Ein ferð, sum førir teir móti tí botnleysu avgrundini aftan fyri Salajak, har gudinnan Hel hevur valdið - Jarmaland.Svøríki í 1300-talinum - ein tíð við kríggi og valdsstríði.
Barn nr. 95
7 ára gomul vóru hon og fleiri onnur børn flutt til Eysturtýsklands at ganga í skúla og verða uppald til at gerast nýggja elitan í Namibia. Tiltakið var eitt samstarv millum frælsisrørsluna SWAPO og eysturtýsku stjórnina.
Barsakh
Barsakh er søgan um tvær verðir, sum koma saman. Um fimtan ára gomlu Emiliu úr Noregi og átjan ára gamla Samuel úr Ghana. Emilia er og ferðast við familjuni á Kanariuoyggjunum, og ein dagin, hon er farin at renna, sær hon ein bólk av flóttafólkum umborð á einum báti. Hetta eru menniskju, sum hava ofrað alt fyri at kunna byrja eitt nýtt og betri lív í Europa. Eitt av hesum fólkunum er Samuel. Skjótt skal lív teirra broytast fullkomiliga.
Billie. Fráferð 9:42 til nýggja lívið (50)
Fosturfamiljan hjá Billie býr í einum brúnum húsum í Búkróki. Billie kemur úr Stockholm, og staðið, har hon skal vera, er so lítið, at hon veit næstan ikki av, at tey eru frammi, tá ið bilurin bremsar.Billie er ein ørðvísi genta enn tær,sum búgva í Búkróki,hon hevur sín egna vilja og er altíð í góðum lag,sjálvt um umstøðurnar ikki eru so framúr góðar.Og so er okkurt løgið við hesari prestafamiljuni í Búkróki,tað er so kalt inni, og øll eru so álvarsom og Billie er forvitin.
Billie. Tú ert tann besta (43)
Lívið hjá fosturfamiljuni í Búkróki heldur fram at taka okkum á bóli, og Billie er uppi í øllum sum vanligt. Áðrenn hon veit av, er hon blivin kend í býnum. Hjálp!Heima verður Tea øvundsjúk. Og Álvur er eisini illur, tí at Billie er drigin at hansara stóra hatursobjekti Douglasi. Hvat er tað, sum í grundini er farið fram millum systkinabørnini? Hevur tað nakað at gera við, hvussu lítlibeiggin doyði? Billie má bara vita tað.
Bløðra (27)
Stina er ein trælur. Hon verður noydd at koma upp um morgunin, noydd at fara í skúla, noydd at læra seg sovorðið, sum hon als ikki hevur brúk fyri, noydd at verða eyknevnd Bløðra, noydd at brúka lættimjólk heldur enn vanliga mjólk, noydd at ganga til svimjing og noydd at syngja í tí rotna jólakórinum. Hon noyðist at ganga eftir lortareglum hjá øðrum, í einum lortabýi, í einari lortaverð.
Bókin um Dust - annað bind (12)
Bókin um dust er eitt tríverk, sum er um tíðina áðrenn og eftir hendingarnar í tríverkinum Myrkursins frumevni, sum kom út á føroyskum 2004-05. Í tí fyrsta bindinum La Belle Sauvage er tíðin sett 10 ár undan hendingunum í Myrkursins frumevni. Henda onnur bókin í nýggju røðini útbyggir og breiðkar episku parallellverðina hjá Philip Pullman. Tað er eitt máttmikið ævintýr um, hvat tað vil siga at kenna teg sjálva/n, at vaksa upp og fáa skil á heiminum rundan um teg.
Bókin um Dust- fyrsta bind (16)
Malcolm Polstead arbeiðir á vertshúsinum hjá foreldrum sínum,og har hoyrir hann orðið dust.Tað er okkurt serligt við hesum dustinum.Sum um tað ikki er heilt vanligt dust.Hendan veturin regnar tað sum ongantíð fyrr,og alt verður undir í vatni.Eitt str íð millum vísindi,politikk og átrúnað er byrjað.Malcolm missir alt í illveðrinum,og hann noyðist at fara á eina ferð,sum broytir lív hansara.Við á ferðini í kanoini,sum eitur La Bella Sauvage,eru pinkubarnið Lyra og Alice.Og teir tríggir daimonarnir.
Børn á markinum
Bókin snýr seg um børn, ið eru á markinum til eitthvørt og ikki altíð av egnum ávum. Og stendur tú á markinum, hevur tú eitt val: hvønn veg fert tú? Tað valið kanst tú sum lesari gera, meðan tað er verri hjá børnunum, ið her verða lýst.
Búrið
Vit fylgja einari 16 ára gamlari jødiskari gentu, Rivu, frá tí at týskararnir stongdu jødarnar inni í ghettoum í pólsku býunum, og til allir jødar verða fluttir í týningarlegur í Eysturproysalandi. Frásøgnin lýsir ikki bara nágreiniliga ræðuleikarnar í nasistisku týningarlegunum, men hon sigur okkum eisini frá menniskjum, ið halda saman og eiga ófatiliga styrki, kærleika og vilja at liva.
Comedy Queen (30)
YMISKT, EG MÁ GERA FYRI AT YVIRLIVA: Klipp hárið av. Royn ikki at taka tær av nøkrum, sum livir. Les ongar bøkur. Far bara í litføgur klæðir. Hugsa ikki ov nógv (helst slett einki). Ikki ganga túrar. Ikki fara í skógin. Ver ein COMEDY QUEEN Mamman hjá Sashu fekk fólk at gráta. Hon fær enn fólk at gráta, hóast hon ikki livir longur. Tí hevur Sasha gjørt ein lista. Fyri ikki at blíva sum mamman eru tað sjey ymisk ting, hon má gera.
Dagar eg havi gloymt
1. føroyska grafiska skaldsøga. Tað er summarið, tá ið alt tað besta og tað ringasta hendir. Dávið og Tomm eru forelskaðir í Lisu. Lisa velur Dávið, men ger tað liðugt við hann stutt eftir, at tey hava skeldast. Síðan hvørvur Lisa á gátuføran hátt.
Dalurin fagri
Um drongin Páll, ið veksur upp millum tey sjúku á bróstsjúkrahúsinum í dalinum fagra - Hoydalar.
Dámar- Hata horuna
Søga fyri ung. Tær báðar Jonna og Gloria eru vinkonur. Tær sleppa at ganga í frið í skúlanum, líka til tær hava verið í einari veitslu, og mynd av Gloriu verður løgd út á netið, og ein bólkur verður gjørdur, sum eitur Hata horuna. Jonna velur at hevna hetta, og tað fær álvarsamar avleiðingar, bæði fyri Jonnu og Gloriu, men eisini fyri happaran.
Dansa fyri lívinum
Lýsingin av teimum báðu ungu er týðilig og væl skrivað: hann við snúsinum og sjóluktinum, hon við tí sterka dansikroppinum, sum bæði kann verða steinharður og kettumjúkur. Tey stríðast bæði fyri lívinum á havinum og fyri at bjarga kærleikanum ...