Eldfuglurin
Mathias hevur Símun, sum hjálpir honum at klára seg ígjøgnum ta hørðu tilveruna hjá hansakeypmonnunum í Bergen. Tá er ringt at skilja, at besti vinurin knappliga gerst góður við ein annan, og burtur úr hesum stendst eisini ein sorgarleikur.
Eldgos (45)
”Hvar hevur tú lært hatta? Hatta har, sum tú gert?“ ”Tað eitur parkour,“ sigur hann. ”Tað er eitt slag av ítrótti, har mann brúkar býin sum bana.“ Idris flýgur fleiri metrar gjøgnum luftina. Bingjan gevur eitt doyvt duk frá sær, tá hann lendir á tí grøna plastlokinum. Hann rennur við longum fetum. Annar fóturin nær akkurát at raka bingjuna, áðrenn hin fóturin er á veg ímóti tí næstu.
Eldsins gáta
Grunda á veruligar hendingar hjá Sofíu ið býr í Mosambik. Systurin er komin aftur úr Suðurafrika, álvarsliga sjúk. Sofía roynir at skilja, hvat er áfatt, men hon skilir ikki reiðiliga, bara hetta, at eldurin roynir at siga frá einari stórari vanlukku
Eldsins loyndarmál
Fyrsta av trimum bókum, sum fara fram í landinum Mosambik. Um gentuna Sofíu, sum av óvart traðkar á eina minu. Hon missir bæði beinini, men tað ringasta av øllum er at missa systrina Mariu, sum doyr beint eftir vanlukkuna.
Eldsins øði
Triðja bókin um Sofíu gevur eina livandi mynd av einari ungari kvinnu og stríðnum móti fátækdømi og órætti, av kenslum og vanlagnu hennara í einum av heimsins fátækastu londum.
Elias 12 og hon,sum eitur Elsa
Elsa er flutt til ein annan bý. Hon saknar gomlu vinir sínar og følir seg einasamalla. Elias livir á eggini og ger tað, sum honum lystir. Hann kemur frá einum heimi við misbrúki og er á veg út í kriminalitet. Elsa og Elias siga søguna úr tveimum sjónarhornum. Tey bæði ungu liva heilt ymisk lív, men ongin teirra trívist í skúlanum, og ein dag hittast tey á einum bonki. Kanska hava tey meira í felag, enn tey halda ...
Elskar - Elskar ikki
Í savninum eru sekstan stuttsøgur, sum lýsa forelskilsi og kærleika, og ikki bara tann tú vilt taka ímóti, men eisini tann tú helst vildi verið fyriuttan.
Endin (14)
Tú ert seytjan ára gamal. Tað er summar, og verðin sær út júst sum vanligt. Men tú veitst, hvat fer at henda. Um ein mánað eru vit øll burturi. Hvussu kennist tað at vita akkurát upp á tíman, nær tú skalt doyggja? Hvat ætlar tú at gera ta síðstu tíðina? Og hvørjum vilt tú vera saman við, tá ið alt fær ein enda?Endin er ein undirgangssøga um tvey einsamøll ungfólk í einari verð, sum livir upp á lænta tíð.
Erebos
Tá ið 16 ára gamli Nick fær ein pakka, undrast hann á, um pakkin kann forklára løgna atburðin hjá floksfelgunum fyri tíðina. Í pakkanum er gátufulla telduspæli Erebos. Spælireglurnar í Erebos eru strangar: spæl altíð einsamallur, ikki snakka um spælið og sig ongantíð nøkrum tín kallinavn.Forvitni vinnur á Nick, og hann verður skjótt bundin at spælinum. Men Erebos veit nógv um tey, sum spæla og fer at manipulera lív teirra.
Falska rósan (8)
Tygum hava biðið meg skrivað alt niður, sum eg veit um mannin, tey kallaðu Hetlands Jack. Tað skal eg gera. Eg skal siga tygum frá um harða lív hansara. Og tygum skulu fáa sannleikan at vita um, hvussu hann hvarv á løgnan hátt. Men søgan um Hetlands Jack var ikki komin at enda, tá ið faðir hansara varð funnin í havnini í Glasgow. Og nú er lagnan hjá Jack vorðin mín egna lagna. Um hetta má eg eisini skriva, hóast tað kenst svárt.
Feigdarfræ - Tóra III
Veggir, sum skrambla saman, armystivlar við skitti og blóði. „Tú ert deyð og ein mordari!” Orðini hjá Róari duka í høvdinum á Tóru. Hevur hon veruliga dripið eina gentu? Billa er horvin, og Róar hevur tikið ræðið á skúlanum. Hvørja løtu væntar hon at blíva blakað úr skúlanum, og fólk halda seg burtur frá henni. Tíbetur hevur hon kvartin at líta á, men hvussu við Leika?
Ferðafuglur
Um atburð fuglanna undir flyting, og um hvussu stóran týdning umhvørvið hevur fyri henda partin av náttúru okkara. Evni, ið verða viðgjørd eru: Ferðir og vetrarvist hjá fugli. Hon er ætlað øllum, sum hava áhuga fyri og undrast á, hvar fuglur okkara fer og hvørja leið, hann flýgur ta longu ferðina í millum summar- og vetrarvist.
Ferðin til Amerika
Søgan er um tey bæði systkini Sean og Annie, sum líða hungur og hall í Írlandi. Pápi teirra er farin yvir til Amerika og skuldi geva boð frá sær aftur, men tey hava onki hoyrt. So verður gjørt av, at børnini skulu sjálv av stað, tí mamman kann ikki fara við teimum.Frásøgan er tí um vandamiklu ferðina hjá børnunum yvir til Amerika, hvussu tey bjarga sær yvir um amerikansku preriuna saman við góðum og minni góðum fólki, og at enda koma fram og uppliva nakað heilt óvæntað.
Fílasteinurin
Bapit býr í Thyborøn og líkist ikki hinum. Tað er tí, at hann hevur etið alt ov nógv Nutella, og tí mamma hansara er út Tailandi. Pápin, eum er deyður, gav Bapit ein holstein, sum hann segði hevði gandamegi: Um tú hyggur gjøgnum holið og ynskir tær okkurt, gongur ynskið út. Men hesum trýr Bapit ikki. Ikki fyrr enn alt knappliga verður ovboðið.
Fjaldi dýrgripurin
Árni fer úr Reykjavík út í sveytina at arbeiða hjá einum bónda. Hetta lívið er so nógv øðrvísi enn býarlívið, og Árni fær nógvar vinir.