Glæma rýmir
Brá eigur eitt ross. Tað eitur glæma. Men ein dagin er Glæma ikki í girðingini. Hon er rýmd saman við Rósu. Brá og pápin leita. Munnu tey finna Rósu og Glæmu aftur?
Brá fer í ríðiskúla
Brá eigur eitt ross. Tað etiru Glæma. Brá og Glæma skulu í ríðiskúla Brá er eitt sindur stúrin. Tí nógv er, sum hon skal læra. Man tað fara at ganga væl?
Heykur fer í skúla
Eg eiti Lea, og hvølpurin hjá mær eitur Heykur. Eg elski hann yvir alt í verðini, sjálvt um hann ger fortreð viðhvørt. Tá ið hann bítur í fjarstýringina, verður mamma ørg. Heykur má í skúla at læra at akta.
Tornarósa
Tá ið Tornarósa verður doypt, gloyma kongur og drotning at bjóða einum sera týdningarmiklum gesti - tí einu álvuni. Sekstan ár seinni gongur ynski hjá hesi óndu álvu út...
Meira rætt ella skeivt
Eru rottur nakrantíð ákærdar fyri stuldur og hóttar við deyðarevsing í einum vanligum dómstóli? Er ein ósløkkjandi, brennandi steinur til? Eru børn fødd í rúmdini, og vóru tað vaksin, sum fyrst brúktu suttu? Her eru 14 spennandi og løgnar søgur. Les, hugsa, met um royn so at gita, hvør søga er røtt, og hvør er rong. Tann, sum ljóðar sonn, kann vera rong, og tann, sum ljóðar rong, kann verða røtt.At enda fært tú hugskot til, hvussu tú kanst gera tína egnu rongu ella røttu søgu.
Álopin av áarrossinum og aðrar spennandi søgur um dýraálop
Tá ið hann vaknaði aftur, var hann umgirdur av sera ringum lukti. Alt var myrkt rundan um hann, og hann helt, at hann var vorðin blindur. Men tað kendist so løgið, tí beinini vóru í vatni, men kroppurin kendist turrur. Turrur, men fullur í slími. Okkurt tungt trýsti á búkin og um at vita, hvat var hent, og hvar hann var, eydnaðist tað honum at lyfta hondina og føla, hvat tað var, ið var hent. Hann var fangaður í kjaftinum á áarrossinum!
Pólnátt
16 ára gamli Ilias býr í einari flóttafólkamóttøku saman við níggju ára gomlu systur síni, Amiru. Ein dagin hendir nakað, sum ger tað vandamikið at verða verandi. Systkini noyðast at flýggja út í ta myrku náttina. Vindurin er ísakaldur, og tey hava skund. Skjótt hoyra tey kavaskutaran, sum er eftir Iliasi. Hvør kann hjálpa teimum ígjøgnum ta frystu´vetrarnáttina?
Handbók fyri superhetjur 6.partur: Uttan vón
Øll í Rosenhill eru skelkað. Sjey børn eru horvin sporleyst, og fólk eru bæði bangin og ill. Hví gera løgreglan og Reyði skorturin einki? Kann býurin ikki líta á sína superhetju, nú tá tey veruliga hava tørv á henni? Í loyndum arbeiða Lisa og liðfelagar hennara hart, og tey hava funnið spor og ábendingar. men okkurt ruggar ikki rætt ...
Ganga saman
At koma saman er ikki altíð so lætt. Og at ganga saman kann vera trupult!
Mira 2 Húsbátur - babba - kærleiki
Tað er stuttligt at droyma. Altso, ikki sum tú gert um náttina, men dagdroyma. Knappliga kunnu dagdreymar gerast veruleiki. vit mugu minnast til at droyma við opnum eygum. Men hóast tað er ein stórur dreymur, kanst tú væl gerast eitt sindur stúrin, um tú skalt møta pápa tínum fyri fyrstu ferð. Tí hvat nú, um tú ikki passar inn í lívið hjá honum? Ella øvut? Ella um dreymurin verður eott vónbrot? Og hvussu er tað í grundini bæði at skula vera hjá mammu síni og pápa sínum?
Mira 1 Vinir-forelskað- eittárímínumlívi
Tú kanst føla teg eitt sindur einsamalla, um besta vinkona tín ger ein kærleiksklubba saman við tí kulu, nýggju gentuni í flokkinum. Tí tú sleppur bara at vera í honum, um tú hevur verið forelskað, og tað hevur Mira ongantíð verið, sjálvt um hon veruliga hevur roynt. Men hvat nú, um hon hugsar ordiliga nógv um hon dreingin í flokkinum? Altso, bara ein hálvan tíma um dagin. Verður hon so forelskað? Hvussu ringt kann tað vera?!
Gosfjøll
Hvat er eitt gosfjall? Smeltað grót trýstir seg upp ígjøgnum tunnu jarðarskorpuna og verður til lava. Tað flýtur sum siroppur, og so hvørt sum tað kólnar, mennist eitt fjall til eitt gosfjall. Í hesi bókini kanst tú lesa um, hvussu eitt gosfjall verður til umframt kendar hendingar í søguni, har gosfjøll hava lagt bygdir og annað í oyði.
Brá fær eitt ross
Brá elskar ross. Pápi hennara eigur eitt ross. Tað eitur Rósa. Brá hevur skjótt føðingardag. Hon ynskir sær eitt ross. Einki annað.
Vandamiklar rýmingar
Fólk, sum sita í fongsli ella sum fangar í legum ella aðrastaðni, hava altíð roynt at rýmt. Tað kunnu vera fólk, sum hava framt brotsgerðir og sita í fongsli, sum verða hildin at vera ógjørlig at rýma frá, fangar, sum eru tiknir í kríggi av fíggindanum ella politiskir fangar, sum eru settir í fongsul av tí, teir trúgva uppá.
Virus
Í 2020 kom koronavirusið til Føroya. Skúlarnir lótu aftur, og børn vórðu send heim. Men hvat er eitt virus í grundini? Hví gerast vit sjúk av virusi? Og hvussu kunnu vit verja okkum ímóti virusi? Tað kanst tú lesa meiri um í hesi bókini.
Klókir fuglar
Fuglar duga at flúgva, at láta og at finna mat. Teir duga eisini at hugsa. Nakrir fuglar eru líka klókir sum sjimpansur. Teir fáa nýggj hugskot og loysa truplar uppgávur.