Sneisamaður (20)
Sneisamaður býr í familjutræ við konu og børnum, sig so tað. Men ein dagin, tá ið Sneisamaður fer út at renna, verður hann vavdur inn í ein meldur av hendingum, sum føra hann langt burtur frá familju síni í familjutrænum. Kemur hann heim aftur til jóla? Til alla lukku fær hann hjálp frá einum heldur óvæntaðum persóni. Rørandi, stuttligi og ógvuliga sermerkti Sneisamaðurin hevur verið til stóra gleði hjá børnum kring heimin. Njót hesa klassisku søgu, sum ber upp á rím.
Gronuta mariuhønan (24)
Gronuta mariuhønan er altíð í ringum lag. Henni dámar ikki at siga takk fyri ella Kann eg fáa, hennidámar heldur ikki at geva nøkrum nakað, og hon heldur, at hon er betri og størri enn hini. Í søguni um Gronutu mariuhønuna lærir barnið um tíð, støddir, skap og siðir. Ver við á ferðini, tá ið marihønan møtir dýrum, sum eru størri og vandamiklari enn hon.
Søgunámið (28)
Í 16 myndprýddum søgum og ævintýrum er kanska okkurt, ið vil hugfanga teg. Tú kanst leita í tí vakra og kærleiksfulla. Men eisini í tí vandafulla og óhugnaliga. Lívið er góður og ræðandi søgur. Sum ein spennandi bók. Uttan aldursmark.
Bakibókin í Vallbakkaskóginum (15)
Kom við Haru-Peri bakarameistara og bakaradronginum og lær teg at baka. Í bókini finnur tú millum annað hunangskøkurnar hjá Bjarnamammu, fyltu hornini hjá Hjalsmúsini, føðingardagskøkuna hjá Bamsapápa, grønmetistertuna hjá Elsdýrinum og sjálvandi bæði vanligar og dupultpipraðar piparkøkur. Haru-Per bakarameistari lærir bakaradrongin og tykkum nýggju bakarar um køksreglur og gevur okkum nógv góð hugskot um bakstur. Ein flott bakibók til alla familjuna við nógvum hugskotum.
SKOMM, sesong 4: Sana
Í hesi bókini eru senur, sum ongantíð vórðu tiknar upp, samrøður, ið seinni vórðu tiknar burtur, umframt viðmerkingar og hugarok hjá Juliu Andem, leikritahøvundi. Hetta er handritið til fjórðu sesong av SKOMM, júst sum tað upprunaliga varð skrivað.
SKOMM, sesong 3: Ísak
Í hesi bókini eru senur, sum ongantíð vórðu tiknar upp, samrøður, ið seinni vórðu tiknar burtur, umframt viðmerkingar og hugarok hjá Juliu Andem, leikritahøvundi. Hetta er handritið til triðju sesong av SKOMM, júst sum tað upprunaliga varð skrivað.
Varaprinsessa Andersen
Summi børn eru friðarlig, og teimum dámar ikki at tosa hart, at standa á einum palli, ella tá øll hyggja at teimum. Soleiðis er Lisa Andersen. Hon stúrir fyri síðsta skúladegi og sjónleikinum, sum flokkurin skal framføra. Tíbetur skal hon einki siga, tí hon skal bara vera afturparturin á einum hesti. Men so hendir tað, sum ikki má henda. Helena fær heilaskjálvta. Og Lisa, sum er varaprinsessa, noyðist at spæla prinsessa í sjónleikinum.
Klukkustríðið (30)
Úr einari loyniligari vistfrøðiskipan í frumskóginum ætlar Lucretia Cutter at sleppa óreinskapi leysum í verðini. Um Darkus, Virginia og Bertolt ikki megna at finna ein máta at steðga henni, fer hon at savna ein her av risavaksnum frankensteinklukkum , sum fer at gera, at jørðin ongantíð verður tann sama aftur. Menniskju eru hótt. Framtíðin er treytað av trimum børnum og teirra klukkum …
Mín jólabók 2019 (21)
Mín jólabók er ein bók til alla familjuna, ein kalendarabók um tú vilt. Ein bók við fittum søgum og tekningum, hugskotum og íblástri til hugnaligar løtur saman - børn og vaksin - í køldu, myrku tíðini upp undir jól.
Hey, abbistabbi!
Abbistabbi sveipar síni fýra abbabørn burtur úr gerandisdegnum á ævintýraferðir við gandakumpassini hjá sær ... Kom við, tá tey ríða á flogfiskum tvíspora undan óðum neytum og flýggja frá skalvalopum. Kom og les um abbastabba - ein óræddur rannsóknarfari, ið dugir meira enn at mata seg ... Heimsgitni tónleikarin Paul McCartney tekur lesaran við á ævintýraferð kring knøttin og heim aftur til songartíð.
Føðingardagurin
Mai og Fríða eru bjóðaðar í føðingardag hjá Annu í flokkinum. Adam, sum Mai hitti í Tivoli, tá ið hon var har saman við Fríðu, kann eisini sleppa við. Men hvussu nógv leggur Adam altso í Mai? Mai veit ikki rættuliga. Og als ikki, tá ið hon av óvart sendir honum heimsins pínligastu boð á Facebook.
Kærleikshjarta
Tak tað, segði Janus og rætti henni tað hjartaskapaða plastílatið. Tað var fult av sandi og skitti. Elin fór at flenna. Tey vóru einsamøll í skúlagarðinum. Her, smíltist hann og kom yvir til hennara. Tann skitna hondin nærkaðist hennara. Tað stakk í húðini. Janus var eitt sindur lægri enn hon, men so vakur, helt thon. Og so var hann so fjasutur. Elin var illa við, og nú dukaði hjartað hart. Hon dugdi ikki at finna upp á nakað kul at svara honum.
Súkklutjóvurin
Sanna fekk nýggja súkklu í føðingardagsgávu, men morgunin eftir er hon burtur! Hvør man hava tikið hana? Um at missa okkurt og hjálpa øðrum. Og um ar finna ein vin.
Birita gistir hjá Onnu
Allar fýra vinkonurnar skulu gista hjá Onnu. Men Birita hevur ikki hug. Henni dámar ikki at gista hjá øðrum. Men tað kann hon ikki siga, tí so halda tær hana vera ein ræðuskít.
Hví kengura hoppar
Einaferð dugdi kenguran ikki ar hoppa. Í bókini kanst tú lesa um, hvat tað var, sum gjørdi, at kenguran fór at hoppa.