Prumpipulvurið hjá Proktori dr
Ein flytibilur steðga uttan fyri grannahúsini Atu. Tað er Boksi, ið flytur inn. Hann er rættiliga sermerktur. Tá ið Boksi og Ata so hitta hin uppaftur meiri sermerkta grannan, Proktor doktara, byrjar ein skemtilig søga.
Pssst! (46)
Hví eri eg akkurát tann, sum eg eri? Hví bleiv eg ikki ein onnur? Hvat var eg, áðrenn eg bleiv fødd, og hvat verði eg, tá eg doyggi? Hevði eg eisini verið eg, um eg varð fødd onkra aðrastaðni? HVØR ERI EG Í GRUNDINI? Pssst! varpar ljós á smáar og stórar spurningar í lívinum hjá 12 ára gomlu Viólu. Í tí einastandandi samanspælinum millum myndir og tekst fáa vit innlit í tankar hennara um lívið, deyðan, vinir, familju, einsemi, útsjónd og popularitet.
Ræðuliga søgan um Lítlu Hon (24)
Hetta er søgan um Lítlu Hon. Alt, hon vil, er at sleppa inn í koddarúmið og spæla við hini børnini. Men tey vilja bara lova henni við, um hon fyrst fer einsamøll upp á loftið í skúlanum. Og har siga tey, at tað spøkir ... men spøkilsi eru ikki til. Ikki ordiliga, ha? Hetta er ein ræðulig, óhugnalig og ótespilig søga. Men hon er eisini spennandi og stuttlig. Og hon endar lukkuliga. Í øllum førum fyri summi ...
Rangstøða (22)
Í skaldsøguni Rangstøðu eftir Danial Viðoy hoyra vit meira um Bartal, sum vit komu at kenna í Tvístøðu. Tilverugrundarlagið er broytt. Bartal er fluttur til Keypmannahavnar og roynir at finna seg til rættis í stórbýnum, har møguleikarnir eru nógvir og freistingarnar stórar. Men júst sum gerandisdagurin er byrjaður, verður Bartal knýttur í eitt stríð, hann heldur vildi verið fyriuttan. Óveruleikakendar avdúkingar broyta tilverugrundarlagið, og lívið bankar aftur uppá.
Ránið
Inequ er ikki smágenta longur og skjótt fór Poq at koma í langhúsini eftir henni og so skuldu tey liva saman sum fedrar teirra høvdu livað í fleiri túsund ár undan teimum í landi menniskjanna.Men so kemur fremmanda skipið og skræðir hana og Poq við sær til eitt fremmant land langt burturi.Hinumegin hav bíðar Kristina eftir, at pápin skal koma aftur og ein dagin stevnir skútan inn á vágna, og tveir heimar møtast á fyrsta sinni.
Ravkikarin
Will er á ferð saman við einglum fyri at handa Asriel lordi tann máttmikla og vandamikla knívin. Men Lyra er burtur og uttan hennara hjálp megnar hann ikki at vinna á tí ørgrynnu av ráðagerðum, sum hótta hann. Tvey stór heimsveldi gera seg til reiðar at kríggjast,og Will má finna Lyru, tí saman skulu tey í stríð, eina ósvitaliga ferð líka í heim teirra deyðu.
Regin og Sára, heft
Regin er 14 ár. Hann er raskur og dámar væl ítrótt. Alt kundi verið so gott , men tað er tað nú ikki. Pápin er sendur til Danmarkar at sita, tí hann hevur stolið, og hetta voldir Regini trupulleikar. Tíbetur hittir hann Sáru. Eisini hon hevur sítt at dragast við, tí hon er blind.Sára er bæði djørv og glað. Regin og Sára verða góð, og saman eru tey sterk.Regin egnir hvønn dag og í egningarskúrinum, og í egningarskúrinum eigur hann eitt sindru óvanligar, men sera trúgvar vinir.
Ríman um sangfuglar og slangur
Tað er morgunin, tá ið heystingin skal vera, sum skal seta tíggjundu hungursleikirnar í gongd. Í Capitol ger 18 ára gamli Coriolanus Snow seg til reiðar at verða vegleiðari í leikunum. Tann einaferð so mæta Snow-ættin hevur mist sína tignarstøðu, og lagna teirra hongur í einum kønum tráði, sum ger, at Coriolanus noyðist at seta alt upp á spæl fyri at vinna í hungursleikunum.
Rimarúmið - Tóra bók eitt (20)
Huldufólk eru at finna í íslendskum og føroyskum tjóðminnum. Tey eru yvirnatúrligar verur, sum liva í náttúruni. Tey síggja út og bera seg at sum menniskju, men liva í einum parallellum heimi. Tey hava evnini at gerast ósjónlig, tá tey hava hug (kelda: wikipedia.org). Rimarúmið er fyrsta bókin í røðini um Tóru og hennara stremban eftir at finna útav, hvør hon sjálv er í einum heimi, sum vísir henni eina síðu, sum Tóra ikki ánaði var til.
Rokstríðsmaðurin
Skaldsøga um 16 ára gamla Tobias, sum stríðist móti øllum. Familjan er farin í upploysn, og tá hann ein dagin verður sligin niður, gerst lívið enn meira fløkjasligt.
Rúnaspá
Rustaði heimurin 1 - Flýggjanin úr Danmark
TEY FÝRA SYSTKINI – Píl, Petur, Bowie og Ramona skulu ferðast hjá abbanum í Svøríki. Men á ferðini úr heiminum í Grønlandi detta tey niður í Danmark, sum er eitt ovurstórt ruskpláss við ruski og oyðiløgdum robottum. Børnini fáa brúk fyri øllum sínum uppfinnsemi og viljastyrki fyri at finna abba sín, tí tey hitta bæði vinir og fíggindar á vegnum. Tað verður eitt garvilt ævintýr.
Rustaði heimurin 2 - Motorhjarta ((40)
TEY FÝRA SYSTKINI – Píl, Petur, Bowie og Ramona hava strítt seg ígjøgnum rusklandið Danmark. Men nú, tá tey endiliga eru komin harfrá, kenna tey nærum ikki heimin aftur, sum hann var. Børnini mugu siga bæði bottum og kensluleysum vaksum sannleikan um eina verð fulla av ruski og fake news. Tey hava tørv á øllum sínum vinum, bæði nýggjum og gomlum.
Rustaði Heimurin 3 - Ókrút (37)
Tey fýra systkini hava sett seg upp ímóti risafyritøkuni Atlas og tí óhugnaliga Døkka Gubba. Men nú eru Píl, Petur, Bowie, foreldrini og abbin fangað í Atlastorninum. Bara lítlasystirin Ramona gongur leys. Hon er stødd skeivumegin elektropulsmúrin í rusklandinum Danmark, men tíbetur hevur hon tann tonsatunga námsrobottin, Rusk, hjá sær, og tey bæði ætla sær at bjarga familjuni. Ókrút er triðja bók í røðini Rustaði heimurin.
S P ella K
Tá ið Nora byrjar í sætta flokki, er onki longur, sum tað plagar at vera. Sabina, sum hevur verið besta vinkona hennara, síðan tær vóru smágentur, vil nú bara vera saman við Fanný og teimum hørðu í flokkinum. Karin vil vera saman við Noru. Men vil Nora vera saman vil Karini?
Sadako vil liva
6.august 1945, klokkan eitt korter til nýggju. Uppi yvir býnum Hiroshima - ein bráðkveiktur glampi. Fyrsta kjarnorkubumban er brostin. Bókin lýsir á ein hugtakandi hátt henda grátiliga morgun. Smágentan Sadako er eitt av offrunum fyri fyrstu kjarnorkubumbuni. Men Sadako vil liva. Tá ið hon verður før fyri at evna til túsund tranar úr gullpappíri, fer hon at fáa heilsuna aftur. Túsund tranar.