Meistarin og teir fýra skrivararnir
Hvør er Jesus? Hvør er boðskapurin hansara? At fáa hesar spurningar svaraðar, mást tú fáa greiði á, hvat teir fýra evangelistarnir í Nýggja Testamenti siga, og av og á sammeta teir. Tað er júst tað, sum rómverski drongurin, Titus, fær høvi at gera. Fyrst hittir hann Markus í Róm og fær sum uppgávu at flyta eitt bræv frá honum til Matteus í Jerúsalem.
Men hvat hendi við tær?
óhanna er øðrvísi enn hini í familjuni. Hini eru kløn, meðan Jóhanna er stór. Hvat hendi við henni? Jóhanna vil vera ósjónlig, men øll síggja hana. Serliga plágurnar í skúlanum. So skjóta foreldrini upp, hvussu hon kann loysa trupulleikan. Hon kann fáa 100 krónur fyri hvørt kilo, hon lætnar. Jóhanna góðtekur avtaluna, og so við og við lætnar hon meir og meir. Men verður hon glaðari? Og loysir tað í grundini trupulleikarnar, hon hevur?
Millum gráar skuggar (22)
Hevur tú nakrantíð hugsað um, hvat virði er í einum menniskjalívi? Tann morgunin var lívið hjá beiggja mínum vert eitt lummaur ... Eitt kvøldið koma sovjetskar vaktir eftir fimtan ára gomlu Linu, mammuni og yngra beiggja hennara. Tey verða tveitt í kríatúrvognar og send avstað. Tey verða flutt burtur til Sibiria.Ein ófatiliga hørð ferð er byrjað.Lina veit ikki,um hon nakrantíð fer at síggja pápa sín aftur,sum er horvin nakrar dagar frammanundan.Men hon vil ikki missa vónina.
Mín Jólabók 2005
Adventssøgunar hevur Ella Smith Clementsen skrivað. Annars eru søgur eftir m.a. Minu reinert, Rakel Helmsdal, Sólrún Michelsen og Oddvør Johansen. Nógv stuttligt ítriv er í bókini.
Mín Jólabók 2006
Adventsøguna Skuggarnir á Skarvatanga hevur Arnbjørn Ó. Dalsgarð skrivað. Annars eru søgur eftir m.a. Minu Reinert, Marjuna S. Kjelnæs, oddvør Johansen og Ellu Smith Clementsen. Nógv ítriv er í bókini, bæði at binda, mála, klippa jólaprýði og gera konfekt. Vakrar og stuttligar myndprýðingar eftir m.a. Kari Roarsdóttur og Janus á Húsagarði
Mín jólabók 2007
So meðan vindurin blæsur um geilar og tún, og regnið dukar á vindeygað, so hugna vit okkum heima, bæði stór og smá. Lesa eina søgu, gera jólaprýði, klippa og klistra, baka smákøkur og njóta jólini. Alt hetta kann jólabókin brúkast til. Søgurnar í bókini, sum eru nýskrivaðar, hava allar okkurt við jól ella vetur at gera. Eisini hevur eitt kent, gamalt jólalag fingið føroyskan búna, og mínsann um ikki jólaeingilin, Lítli Gutti, er sloppin upp í part eisini.
Mín jólabók 2008
Mín jólabók er full av stuttligum og hugnaligum jólasøgum. Allar søgurnar eru nýskrivaðar og vakurt myndprýddar.Jólabókin er eisini full av hugskotum um ymiskt, sum kann gerast til jóla, har er bæði at baka og binda, klippa og líma.Uppgávur eru eru eisini í bókini m.a. krossorð og sudoku.Mín jólabók er ein bók til alla familjuna, ein kalendarabók um tú vilt. Ein bók við hugskotum og íblástri til hugnaligar løtur saman – børn og vaksin – í køldu, myrku tíðini upp undir jól.
Mín jólabók 2009
Mín jólabók við 24 ymsum søgun, yrkingum og ítrivum. Ítrivini snúgva seg í stóran mun um kavamenn, men smákøkur og jólavættrar sleppa sjálvandi eisini upp í part. Og so hava vit hugsa um fuglarnar hesaferð; hví ikki geva fuglunum mat, sum minnir um jól?
Mín jólabók 2011
Ítrivini er soleiðis, at tað helst ikki skal kosta ein harragarð at gera tey, og saman við øllum teimum nýskrivaðu søgunum er jólabókin í ár ein heildaruppliving sum kann gera bíðitíðina fram til jóla eina spennandi og hugnaliga tíð.
Mín jólabók 2013
Í bókini eru nógvar nýskrivaðar søgur, sum bæði royndir og óroyndir rithøvundar hava skrivað. Bókin er ein kalendarabók, har antin ber til at lesa eina søgu ella gera eitt ítriv til hvønn einstakan dag, somuleiðis er ein framhaldandi adventssøgu . Bókin er myndprýdd øll, sum hon er.
Mín jólabók 2014
Í bókini eru nógvar nýskrivaðar søgur, sum bæði royndir og óroyndir rithøvundar hava skrivað. Bókin er ein kalendarabók, har antin ber til at lesa eina søgu ella gera eitt ítriv til hvønn einstakan dag, somuleiðis er ein framhaldandi adventssøga. Bókin er myndprýdd øll, sum hon er.
Mín jólabók 2015
Jólabókin í ár er full av søgum og ítrivi, og sum altíð hava nógvir ymiskir myndprýðarar sett sín dám á bókina. Adventssøguna eigur Ingun Christensen. Hon eitur Sparijól og er um hesa ørskuna,sum vit verða fangað í um jóltíðir, at vit noyðast at keypa og keypa og keypa.Ein søga ella eitt ítriv er til hvønn dagin líka fram til jólaaftan.
Minnisvarðin
Minnisvarðin (Carlo Monzoni), Hitt ósjónliga savnið (Stefan Zweig), Frúgvin Emily (William Faulkner), Søti skattur (Anton Tjekhov), Hummarin og leyvan (Ernest O´Ferral), Eitt mannabarn verður borið í heim (Maxim Gorki) Soleiðis fert tú ongantíð at vera (Ernest Hemingway).Aftast er stutt frágreiðing um rithøvundarnar.
MIST KALL (10)
Ein mánað aftan á 22. juli fara Rebekka og Fariba í miðnámsskúla. Fariba teknar seg sum lim í AUF, og Rebekka hevur nógv um oyruni: kabarettina, Daniel við krúllunum, ball, skúla og vinir. Trupulleikin er bara, at Rebekka alla tíð hugsar um tað, sum hendi. Mist kall er ein grafisk skaldsøga um yvirgangsatsóknina á Utøya, um lívið aftaná og um øll tey, sum vit sakna, hóast vit ongantíð lærdu tey at kenna.
Mjørki í heilum
Í savninum eru 14 stuttsøgur, ið 12 rithøvundar og ein kvøldskúlaflokkur á skriviskeiði hava skrivað. Søgurnar eru valdar út millum tær 42, sum komu inn, tá ið Listastevna Føroya 2001 skrivaði út stuttsøgukapping. Søgan, sum vann 1. virðisløn, ANGEL
Momo
Eitt ófrættakent lið av gráum harrum fær støðugt fleiri menniskju at spara tíð, so teir kunnu kradda hana frá teimum og vinna sær vald á henni. Tá ið heimurin med alla tykist hoyra tíðarkraddarunum til, leggur Meistarin Hóri uppí. Til tess krevst honum hjálp frá Momo, eini lítlari gentu við krunkasvørtum, frísutum hári.Tað er um sjálva 'tíðarinnar gátu', at henda bók snýr seg.