Rýmdur er fimta bók í røðini Kalt blóð. Sigrið er á veg heim. Knappliga koma dreingirnir til sjóndar í myrkrinum. Teir súkkla tigandi í ring um hana. Ringurin minkar og minkar. Sigrið roynir at sleppa fram við teimum. Men til fánýtis.
Tú ert deyður, Teitur er fjórða bókin í røðini Kalt blóð. Hon snýr seg um systkini Sigrið og Teit, ið eru stødd á posthúsinum, tá ið ránsmenn knappliga koma. Tá ið ránsmenninir halda á dyr, hava tey Teit við sær sum gísla, uttan at Sigrið grunar.
Hin stóri dreygurin er triðja bók í røðini Kalt blóð. Eitt stórt, myrkt skepilsi kemur til sjóndar. Tað kemur beint ímóti Teiti. Teir renna saman. Teitur starir upp í andlitið á honum. Tað er bleikt og gulligt ... sum um hann er deyður.
Hetta er tíggjunda bók í Frøkun Ignora røðini. Frøkun Ignora er krabbabók, ið merkir at hetta er lættlesibók. Ignora fær av óvart hendur á einum lotto-seðli. Knappliga er hon múgvandi. Men er tað eydnan?
Hetta er nýggjunda bók í Frøkun Ignora røðini. Frøkun Ignora er krabbabók, ið merkir at hetta er lættlesibók. Ignora fegnast um blómurnar, hon hevur. Følna tær, verður hon kedd, so hon ger alt fyri at tær hava tað gott.
Allur flokkurin er boðin í føðingardag hjá Óla uttan Sámal. Mamman heldur, at tað má vera ein misskiljing, men Sámal er so illur, at hann ger av at skulka. Hann vil ikki vera í skúlanum, tá ið øll hini fara í føðingardag!
Dóttir Kelduna er fimta bókin í Enja røðini. Kalda vatnið fær hana at skelva og stívna. Hetta er alt ov torført. Men hóast hon er bangin, so letur hon seg toga niður í dýpið. Tær svimja djúpari og djúpari. tað verður myrkari og myrkari.
Frúa Okkara er sætta bókin í Enja røðini ið er ein sokallað krabbabókarøð. Hon er givin út í røðini av bláum krabbum. Teir harðrendu vaktarmenninir hála kápuna av Enju. Ein eldri maður hyggur gjølla at henni. Hann er alt annað enn blíður.
Í fjórðu bókini hitta vit aftur hvassa á ferð undan óvinum og fíggindum. Á ferðini hittir hann ikki bara fíggindar, men eisini fólk, ið vilja honum væl. Men hjá Hvassa er so øgiliga trupult at líta á nakran.
Brandur býr saman við mammuni og Dann í einum húsvogni á einum kampingplássi. Ikki so langt haðani býr Teresa. Tá ið Dann fær trupulleikar av politiinum, ger hann av, at tey skulu flyta. Men tað hevur Brandur ikki hug til, so hann ger av at rýma.
Rými er triðja bókin í røðini um unga dreingin Hvassa, sum ongan eigur uttan seg sjálvan. Hvassi flýggjar framvegis um somu tíð, sum hann roynir at finna lítlu Jaz, ið hann er vorðin góður við.
Anna Frank er bók um trettan ára gomlu Annu, sum saman við familju sínari goymdi seg á einum lofti undan týskarunum undir seinna heimsbardaga. Bókin er í 7. torleikastigi.
Eitt svørð fer flúgvandi gjøgnum luftina, og tann gamli skríggjar so sáran. Enja tekur til beins. Aftan fyri seg hoyrir hon rossini duna, men mjørkin forðar teimum at síggja hana. Løtu seinni hoyrir hon hvørki ross ella menn.
Fleiri gomul fólk sita í myrka rúminum. Eingin sigur nakað við hana. Øll sita tigandi. Hon verður sett á ein kodda. Framman fyri hana liggja fýra lutir: Eitt sjál, eitt spegl, ein smúkka og ein dolkur.
Hóast hetta er ein púra vanligur flokkur, so hendir kortini ymiskt, sum eftir lítlari løtu kann venda øllum á høvdið. Og tað er ikki altíð so lætt at vera tólv ár og skula bera seg at, soleiðis sum øll vilja hava, at tú skalt.
Lættlesibók. Elin fær ikki hildið sær, hóast hon veit, at tað er ljótt gjørt at vísa kærleiksbrævið fyri øllum flokkinum, men tað er so gott at standa uppi við talvuna og hoyra hini flenna. Hon veit, hvør hevur skrivað tað.