Peppa Pig. Krógva og blunda (12)
Les bókina og spæl við figurarnar úr søguni. Peppa og George spæla krógva og blunda - finnur tú tey? Inni í eskjuni er stovan, har Peppa og George kunnu spæla krógva og blunda. Tá tú vendir figurunum við, halda teir fyri eyguni.
Rangstøða (22)
Í skaldsøguni Rangstøðu eftir Danial Viðoy hoyra vit meira um Bartal, sum vit komu at kenna í Tvístøðu. Tilverugrundarlagið er broytt. Bartal er fluttur til Keypmannahavnar og roynir at finna seg til rættis í stórbýnum, har møguleikarnir eru nógvir og freistingarnar stórar. Men júst sum gerandisdagurin er byrjaður, verður Bartal knýttur í eitt stríð, hann heldur vildi verið fyriuttan. Óveruleikakendar avdúkingar broyta tilverugrundarlagið, og lívið bankar aftur uppá.
Comedy Queen (30)
YMISKT, EG MÁ GERA FYRI AT YVIRLIVA: Klipp hárið av. Royn ikki at taka tær av nøkrum, sum livir. Les ongar bøkur. Far bara í litføgur klæðir. Hugsa ikki ov nógv (helst slett einki). Ikki ganga túrar. Ikki fara í skógin. Ver ein COMEDY QUEEN Mamman hjá Sashu fekk fólk at gráta. Hon fær enn fólk at gráta, hóast hon ikki livir longur. Tí hevur Sasha gjørt ein lista. Fyri ikki at blíva sum mamman eru tað sjey ymisk ting, hon má gera.
Rustaði Heimurin 3 - Ókrút (37)
Tey fýra systkini hava sett seg upp ímóti risafyritøkuni Atlas og tí óhugnaliga Døkka Gubba. Men nú eru Píl, Petur, Bowie, foreldrini og abbin fangað í Atlastorninum. Bara lítlasystirin Ramona gongur leys. Hon er stødd skeivumegin elektropulsmúrin í rusklandinum Danmark, men tíbetur hevur hon tann tonsatunga námsrobottin, Rusk, hjá sær, og tey bæði ætla sær at bjarga familjuni. Ókrút er triðja bók í røðini Rustaði heimurin.
Nógv tann elsti nakrantíð (30)
Ein dagin verður alt lívið hjá Eyð vent á høvdið. Mamma og pápi fortelja henni góð tíðindi – sum hon ikki verður glað fyri. Samstundis viknar heilsan hjá Ragnari, 97 ára gamla besta vini hennara og floksfelaga. So fær Eyð eitt gott hugskot. Eftir eitt sindur av samráðingum klárar hon at sannføra Ragnar um hugskotið. Saman við vinunum fara tey á eitt stuttligt, hættisligt og spennandi ævintýr! Eyð lærir, at tað ofta er stutt millum sorg og gleði.
Mítt Botnlív (18)
Síðsti axolotlur í vátlendinum trívist framúr væl í sínum hyli. Tað góða lívið er at vera saman við tikarasalamandrum, savna skattir og njósnast eftir tvíbeintum klombrum á strondini. Men tað gerst alsamt heitari, hylurin gerst gruggutari, ófrættakendir fiskar flyta inn. Eftir hetta er einki tað sama longur. Mítt botnlív er ein vónrík og eksistentiell bók um veðurlagsbroytingar.
Mimbo Jimbo sigur góða nátt (34)
Mimbo Jimbo sigur øllum vinunum góða nátt ... ... og bustar tenn. Sov væl, Mimbo Jimbo.
Klótuklubbin 1 - Svørtu svanirnir
Ein bátur rennir á brúnna beint við verksmiðjuna í lítlu bygdini. Vanja, Sívar og Marni uppdaga, at olja er á sjónum, og at hvítu svanirnir eru dálkaðir av svartari olju. Kann tað verða verksmiðjueigarin, sum stoytir olju á sjógv? Ella er tað Ludvík, løgni hjálparmaðurin hjá honum? Tá ið eingi vaksin trúgva teimum teimum børnunum, mugu tey taka málið í egnar hendur.
Heini verður flogskipari
Heini býr á einum vøkrum, gomlum garði. Garðurin er langt burtur frá øðrum gørðum. Hena dámar væl grannan, flogskiparan, hóast hann er løgin. Ein dagin lærir flogskiparin Heina at flúgva. Tú skalt bara lata eyguni aftur, so kanst tú flúgva um allan heim. Men Kári, vinur hansara, vil eisini læra at flúgva. Og hann vil ikki geva Heina flogbrillurnar aftur....
Elias - ein hondbóltsstjørna
Tá ið Elias var smádrongur, droymdi hann seg út í heim at spæla hondbólt. Hansara stóri barndómsdreymur var einaferð at sleppa í hvítu troyggjuni hjá THW Kiel, og nú sleppur hann at spæla við týska stórfelagnum. So skjótt vinmennirnir og hann vóru lidnir í skúlanum, fóru teir í Hoyvíkshøllina at spæla. Teir brúktu nógar tímar í høllini. Hetta er ein orsøk til, at Elias er so góður hondbóltsspælari.
Løgin fakta
Visti tú, at foreldur í Fraklandi fáa heiðursmerki, um tey klára at uppala fýra børn? Ella at 3000 slott eru í Belgia? Og at tað eru fleiri hitarúm enn bilar í Finnlandi? í Evropa er mangt, sum er løgið!
Sombigarðurin 4 - Neyðarróp
Eitt vandamikið sombivirus er í umferð. Milo er fangaður í djóragarðinum, har pápi hansara arbeiðir. Tjúkku múrarnir kring djóragarðin halda sombiunum úti. Men øll eru ikki í tryggleika. Nøkur fólk eru fangað í bygninginum yvir av djóragarðinum. Hvussu skal Milo bjarga teimum uttan sjálvur at verða etin av sombium? Sombigaråurin er ein spennandi ræðusøga til allar sombifjepparar, og hon er løtt at lesa.
Heimsins fittastu
Hvat er heimsins fittasta djór? Ein kettlingur? Kanska ein oyðimarkarrevur ella ein japanskur dvørgaflogíkorni? Tað eru nógvir mátar at vera fittur. Finn títt yndisdjór!
Heimsins vandamestu
Hvat er heimsins vandamesta dýr? Ein krokodilla? Kanska eitt áarross ella ein hvíthávur? Heimurin er fullur í vandamiklum dýrum. Vita, hvat tú heldur vera mest ræðandi.
Deyð jørð: 2 - Manntóma støðan
Neo og Niria eru komin á rúmdarstøðina á Sikso. Tey vilja finna foreldrini, men rúmdarstøðin er manntóm. Eingin veit, hvar foreldur teirra eru. Tey fara út at leita eftir teimum. Men so renna tey seg í stóran vanda.... Deyð jørð er ein spennandi rúmdarrøð, sum er løtt at lesa. Hetta er onnur bókin í røðini.
Mín Jólabók 2022 (20)
Mín jólabók 2022 er eitt gott alternativ til vanliga pakkakalendaran. Í bókini eru nógvar søgur, stuttligar yrkingar, flottar tekningar og øðrvísi ítriv at hugna sær við. Bókin er býtt upp í 24 partar, so okkurt er at gera hvønn dag fram til jólaaftan. Dámar tær stuttligar, spennandi ella kanska ræðandi søgur, er bara at blaða upp og fara at lesa, tí alt hetta og meira er at finna í ársins útgávu.