Rani-vár og vónir
Hóast avgerðin um at skifta fótbóltslið er ring at taka, er Rani spakuliga við at fóta sær í nýggja heimstaðnum og saman við nýggjum vinum. Men honum leingist eftir pápanum, sum er nú er fluttur saman við nýggjari konu og børnum. Tað kann vera trupult bæði hjá hinum og systrini at góðtaka. Hetta er framhald av bókini, Rani- ein nýggj byrjan.
Eg eri Malala
Malala er vorðin ein altjóða ímynd fyri friðarstríð og er tann yngsta, sum nakrantíð hevur fingið Friðarheiðursløn Nobels. Í hesari bókini við endurminningum og myndum, greiðir Malala frá sínum merkisverda lívi.
Brúni
Um dagin er Rúni Rúni, men um náttina er Rúni Brúni - superhetjan, sum ikki er bangin fyri nøkrum. Kann Rúni gera við, at Brúni málar súkklurnar hjá dreingjunum? Ein bók um vinalag, dirvi og um at hevna seg.
So reyð sum blóð I
Tá ið Lumikki ein dagin kemur fram á nógvar pengaseðlar, sum hanga blóðdálkaðir á einum snóri í myrkarúminum í skúlanum, verður tann reglan brotin. Lumikki verður knappliga drigin inn í ta innasta av finsku undirverðini, fangað í eitt vandamikið net av mutri, sviki og drápi. Hon er ikki longur eygleiðari, sum hon ynskir at vera, men er sktoskiva. Og hon noyðist at lumpa ein eirindaleysan drápsmann. Hetta er fyrsta av trimum bókum í eini skakandi spenningsrøð.
Loyndarmálið í Oslo, BFL
Dávur er heima í vetrarfrítíðini, og hann keðir seg. So kemur ein nýggjur og ókendur málningur hjá Munch undan kavi. Tað vísir seg at vera øgiliga býtt, ja, í veruleikanum lívshættisligt há Dáva at royna at finna út av, hvaðani málningurin er.
Pax 2. Grimurin (36)
Eitt beist herjar um næturnar í Mariefred og loypur á fólk í býnum. Beiggjarnir Viggo og Alvi mugu steðga tí, áðrenn fleiri verða skadd. Men hvussu skalt tú berjast móti einum slíkum beisti? Teir leita sum ørir í bókasavninum eftir ráðum um, hvussu teir kunnu basa ódjórinum.
Út í myrkrið
Alt surrar í floksstovuni - øll gleða seg til at ganga grýla. Men ikki Maria, hon vil heldur vitja mammu, sum er á sjúkrahúsi. Øssur er argur, tí hann má hava lítlabeiggjan við, tá hann skal út at ganga grýla. Uttanfyri bíða stórir dreingir í gekkaskortum. Og í myrkrinum er ilt at síggja, hvør er vinur, og hvør er fíggindi.
Gruffalo, heft
Ein mús fer sær ein túr í skógin, har hittir hon fyrst ein rev, sum spyr hana, hvagar hon fer. Músin er skjót at siga, at hon fer at hitta gruffalo. Og nú fær søgan ferð, tí øll dýrini, hon hittir ræðast gruffalo, sjálvt um tey ongantíð hava sæð hann. Men hvussu við músini, man hon ræðast gruffalo?
Gruffalodiddan (40)
Men eitt kvøldið við kulda og kava lurtar Gruffalodiddan ikki eftir ávaringunum hjá pápanum og sníkir seg út í kavan. Tí tann Stóra Ónda Músin er ikki til ... ha?
Beint á barkan
Um náttina verða tey vakt av ræðuligum ljóðum, ella eru tað skríggj? Á veg oman á sandin um morgunin hoyra tey knurr og skav millum runnarnar. Gamla grannakonan sigur, at tað spøkir á oynni. Hesum ivast Tóra og Símun í, men óhugnaligt er tað. Nú tey bæði eru vorðin forvitin av hesi óloystu gátuni, skal hvør steinur vendast.
Lykilin
Minni enn ein mánaður er farin síðan sorgarleikin, sum fór fram í fimleikarhøllini í studentaskúlanum í Engelsfors, men Tær útvaldu fáa nóg illa tíð at koma fyri seg aftur Skjótt vendist verð teirra upp og niður aftur. Loynidómar skulu avdúkast og óndskapurin steðgast. Tíðin er um at renna út, og Tær útvaldu kunnu bara vera vissar í einum - at alt fer at broytast.
Herviligi Henry og kykt (75)
Veitst tú, hvar oyruni sita á eini grashoppu? Hvussu halda býflugur seg heitar? Hvat kykt erut fongin? Eru Mariuhønur veruliga eitrandi? Undarligt og undrunarvert, hugtakandi og herviligt. Herviligi Henry fortelur tær alt, sum tú vilt vita um kykt. Eisini tað, ið tú helst ikki hevði viljað vita...
Erebos
Tá ið 16 ára gamli Nick fær ein pakka, undrast hann á, um pakkin kann forklára løgna atburðin hjá floksfelgunum fyri tíðina. Í pakkanum er gátufulla telduspæli Erebos. Spælireglurnar í Erebos eru strangar: spæl altíð einsamallur, ikki snakka um spælið og sig ongantíð nøkrum tín kallinavn.Forvitni vinnur á Nick, og hann verður skjótt bundin at spælinum. Men Erebos veit nógv um tey, sum spæla og fer at manipulera lív teirra.
Anton, mær dámar teg!
Anton er heilt einfalt fullkomin! Men so við og við kemur fyri ein dag, at alt ruggar ikki rætt. HVØR ER ANTON Í VERULEIKANUM? Og hvat er tað, sum er so gátuført við honum? Anton, mær dámr teg er um lívið hjá børnum – um skúla, systkin, foreldur, floksfelagar og fótbóltsvenjing. Men mest av øllum er hon um vinalag og stór loyndarmál. Tá ið spurningarnir um Anton rúgva seg upp, verður lesnaðurin so spennandi, at illa ber til at leggja bókina frá sær.
Lokaða landið
Børnunum í 5. B dámar væl í smáttuni á Ternuryggi, men ein dagin síggja tey sigarettstubbar í einari skál á borðinum. Hvør hevur verið har? Tí tey kenna ongan, sum roykir. Tá hetta endurtekur seg mugu tey fara at fáa greiðu á, hvat hetta er. Samstundis fáa børnini ein hvøkk, tí Jóhanna svímar ein dagin, tey eru og svimja. Hon verður innløgd fyri etingarólag, og onkur má hjálpa teimum at skilja, hvat hetta er, og hvussu tey kunnu hjálpa Jóhannu.
Ferðin til Amerika
Søgan er um tey bæði systkini Sean og Annie, sum líða hungur og hall í Írlandi. Pápi teirra er farin yvir til Amerika og skuldi geva boð frá sær aftur, men tey hava onki hoyrt. So verður gjørt av, at børnini skulu sjálv av stað, tí mamman kann ikki fara við teimum.Frásøgan er tí um vandamiklu ferðina hjá børnunum yvir til Amerika, hvussu tey bjarga sær yvir um amerikansku preriuna saman við góðum og minni góðum fólki, og at enda koma fram og uppliva nakað heilt óvæntað.