Baby Blues
Jimmy situr inn ímóti garðinum, hendur í favn. Eg veit ikki, um hann er illur við meg ella okkurt. Hann sigur einki. Eg veit ikki, hvussu leingi vit sótu soleiðis. Og eg hugsi, hvussu ber tað til, í áðni var alt so gott, og nú er alt av hundanum til. Eg eri køld, og skelvi.
Bakibókin í Vallbakkaskóginum (15)
Kom við Haru-Peri bakarameistara og bakaradronginum og lær teg at baka. Í bókini finnur tú millum annað hunangskøkurnar hjá Bjarnamammu, fyltu hornini hjá Hjalsmúsini, føðingardagskøkuna hjá Bamsapápa, grønmetistertuna hjá Elsdýrinum og sjálvandi bæði vanligar og dupultpipraðar piparkøkur. Haru-Per bakarameistari lærir bakaradrongin og tykkum nýggju bakarar um køksreglur og gevur okkum nógv góð hugskot um bakstur. Ein flott bakibók til alla familjuna við nógvum hugskotum.
Bang
BANG er ein myndabók, sum vísir eina hendingagongd bara við myndum og orðinum BANG. Ein long røð av djórum, sum koyra bil, renna inn í hvørt annað og BANG! Tað, sum er í bilinum: hønur, bøkur, klæðir, bildekk, grønmeti og mangt annað fer fúkandi í allar ættir. Hvørt BANG hevur sín lit, og bókin er ein litføgur og skemtilig myndabók við nógvum smálutum. Børn og vaksin kunnu saman seta orð á hendingagongdina. Ein stór, eydnusom vanlukka.
Bara til stuttleika - Vinir í fjórða
Kaia drálar framman fyri hurðina inn til nýggju floksstovuna. So turkar hon hendurnar upp í kovboybuksurnar. Tær eru sveittutar. Tær ristast eisini eitt sindur. Nær heldur hetta uppat? Hey, Blondi. Tú stendur fyri! Tað er Heri. Kaia hevur ilt í búkinum. Hon var eisini eyknevnd í gamla skúlanum. Tað var ikki stuttligt.
Bara vinir/Snild ætlan
Hanna og Emma eru bestu vinkonur. Tær eru saman um alt. Hetta er bók við tveimum spennandi søgum úr gerandisdegnum. Bara vinir Tá ið sjeikurin ger tað liðugt, er gott at hava eina hjatavinkonu. Hanna hevur Emmu, og vinkonur kunnu líta á hvørja aðra, ella hvussu? Snild ætlan Hanna og Emma vilja hevna seg inn á Silju, sum gongur og lýgur um tær. Nú mugu tær bara leggja eina snilda ætlan.
Bardagin um Salajak (18)
Høgt uppi í norðri, í fjallaborgini Salajak, vaknar kongliga vittruliðið og strekkir sínar veingir út eftir vetrardvalan. Teimum leingist eftir kjøti, feskum kjøti … Samstundis rýma tríggir beiggjar av garði sínum fyri at fara í part við herin, sum skal steðga óndu gerðunum hjá vittrunum. Ein ferð, sum førir teir móti tí botnleysu avgrundini aftan fyri Salajak, har gudinnan Hel hevur valdið - Jarmaland.Svøríki í 1300-talinum - ein tíð við kríggi og valdsstríði.
Barn nr. 95
7 ára gomul vóru hon og fleiri onnur børn flutt til Eysturtýsklands at ganga í skúla og verða uppald til at gerast nýggja elitan í Namibia. Tiltakið var eitt samstarv millum frælsisrørsluna SWAPO og eysturtýsku stjórnina.
Barn undir krígnum, innb.
Søgan fer fram undir 2. heimsbardaga og er um eina familju, sum býr á Tvøroyri. Børnini Lisa, Mia og Jákup uppliva nógv spennandi og óhugnaligt. Bretar herseta Føroyar, og børnini gerast vinir við hermannin Jack.
Barnabíblia úr Norðri
15 rithøvundar og 15 myndprýðarar hava skrivað og myndprýtt úrvaldar søgur úr Bíbliuni av nýggjum. Søgurnar eru grundaðar á barnasinnið og barnsins undran yvir alt í heiminum. Eitt føroyskt íkast er í Barnabíbliuni, av tí at Bárður Oskarsson hevur myndprýtt einstakar søgur. Bókin er myndprýdd øll sum hon er og leggur upp til nógvar góður frásøgur og samrøður millum foreldur og børn.
Barnarímur
Nýggj útgáva. 35 av kendastu sangum Hans Andriasar. Gakk tú tryggur, Kongaríkið í Bábylon og Pápi mín. Nótar til sangirnar eru prentaðir aftast.
Barnasálmabókin (17)
Í bókini er eitt úrval av upprunaføroyskum og týddum sálmum við vøkrum myndprýðingum. Ætlanin við bókini er, at børn skulu fáa gleði av sálmunum, og at teir kunnu gerast ein felags mentanararvur hjá komandi ættarliðum.
Barnasangbók Føroya
Barnasangbók Føroya er ætlað børnum 0-7 ár. Hon hevur 114 sangir á ymsum torleikastigum, og sangirnir eru bæði gamlir og nýggir. 11 føroysk myndlistafólk hava myndprýtt bókina, og nótar eru til allar sangirnar.
Barsakh
Barsakh er søgan um tvær verðir, sum koma saman. Um fimtan ára gomlu Emiliu úr Noregi og átjan ára gamla Samuel úr Ghana. Emilia er og ferðast við familjuni á Kanariuoyggjunum, og ein dagin, hon er farin at renna, sær hon ein bólk av flóttafólkum umborð á einum báti. Hetta eru menniskju, sum hava ofrað alt fyri at kunna byrja eitt nýtt og betri lív í Europa. Eitt av hesum fólkunum er Samuel. Skjótt skal lív teirra broytast fullkomiliga.
Beinagrind
Í filmum og bókum koma glitrandi beinagrindir ofta fram undan kavi fyri at loypa hvøkk á okkum. Beinagrindir kunnu vera óhugnaligar! Men øll hava eina beinagrind - uttan beinagrind høvdu vit bara verið ein bleyt rúgva á gólvinum. Hjá summum er beinagrindin á uttari síðuni á kroppinum. Í hesi bókini kanst tú lesa alt um beinagrindir - frá minsta beininum í oyranum til størstu dinosaurabeinagrindina.
Beinið
Beinið er ein stuttlig myndasøga um tveir hundar og eitt bein. Við myndum har ein lítil broyting í t.d. eygum ella ein rørsla við halanum ger, at vit fáa varhugan av, hvussu øvundsjúkur annar hundurin er inn á beinið hjá hinum!
Beint á barkan
Um náttina verða tey vakt av ræðuligum ljóðum, ella eru tað skríggj? Á veg oman á sandin um morgunin hoyra tey knurr og skav millum runnarnar. Gamla grannakonan sigur, at tað spøkir á oynni. Hesum ivast Tóra og Símun í, men óhugnaligt er tað. Nú tey bæði eru vorðin forvitin av hesi óloystu gátuni, skal hvør steinur vendast.