Handbók fyri superhetjur 8. partur: Longsta náttin
Tá alt er púra svart, kann tað bara blíva ljósari. Innbrotsrøðin í Rosenhill heldur á, og superhetjurnar mugu finna afturkomararnar, áðrenn tað er ov seint! Samstundis hevur Niklas avgjørt at fara heim fyri at hjálpa sínum vinum, men tá kemur hann fram á eitt lívshættisligt loyndarmál... Kanska eru afturkomararnir hóast alt ikki teir veruligu tjóvarnir?
Kular og knáar KÍ-kvinnur
KÍ- liðið hevur vunnið føroyameistaraheitið fleiri enn 20 ferðir. Fleiri ferðir hava tær vunnið føroyameistaraheitið sera sannførandi - uttan at missa eitt einasta stig. Aðrar ferðir hava tær vunnið í javnari kapping við onnur lið. Tá ið KÍ-kvinnurna settu hemsmet í 2014 vórðu tær nevndar í metbókini hjá Guinness.
Heimsins vánaligasta fótbóltslið og onnur
Tað ringasta vit vita, er tá ið okkurt miseydnast, men at hoyra um onnur, sum miseydnast, kann verða stuttligt. Tí tað eru jú tey, sum kunnu siga tær bestu søgurnar.Men summi av teimum, sum hava miseydnast ella tapt okkurt, eru eitt slag av vinnarum. Les um fótbóltsliðið, sum var so vánaligt, at tað kom í metbókina hjá Guinnes, um mannin, sum skar fótin av, tí hann tímdi ikki at arbeiða, og um superhetjuna, sum var ov bangin fyri at fanga brotsmenn. Og nógvar aðrar søgur.
Karla krossar
Býtta Ida, hugsar hon. Sum um hon bara spyr Idu. Soleiðis er tað als ikki. Hinar genturnar verða eisini spurdar. Summar av teimum. Tað er Karla sikkur í. Tí hon setur kross við nøvnini hjá teimum á listanum, hvørja ferð hon spyr.
Heimsins størsti veitsluhatari
Summi børn hava ordiliga nógv vinfólk. Tað eru nógv, sum ongantíð vilja vera einsamøll. Tá tey eru einsamøll, so gráta tey ella keða seg ordiliga nógv. Onnur hava slett eingi vinfólk. Og so er tað er. Hví er tað so trupult at sleppa at vera í frið? Tað undrar Fríðu. Allastaðni skulu tey vera tvey! Tey skulu ganga tvey og tvey á rað, sita tvey og tvey í skúlastovuni, og í ítrótti skulu tey altíð hita upp tvey og tvey.
Mira 3 #listaklubbin #familja #mussar
Tað er stuttligt at vera í einum klubba. Serliga um hann ikki handlar um at mussast. Mira og vinirnir gera ein listaklubba, tí tey vilja nevnliga gera eina ordiliga listaframsýning. Men tá fitta systkinabarnið hjá Livu kemur, verður tað ógjørligt at hugsavna seg. Samstundis er tað ringt hjá Miru at føla seg heima hjá pápa sínum. Hon heldur, at tey bæåi eru øðiliga ymisk. Er hann veruliga pápi hennara?
Vóni ikki, at eg brotni
Eg havi fingið nokk av hesum lortinum! Eg Hati,hati,hati tað! Mamma og babba hugsa bara um seg sjálv, og so skal eg bara gera, sum tey siga. Hundans! Nøkur lorta foreldur! Mamma og pápi Bellu skeldast. Tað er ikki til at halda út at lurta eftir. Ein dagin hendir tað, sum Bella hevur óttast mest. Foreldrini skulu skiljast, og Bella skal flyta.
Stjørnumyndir
Um náttina verður himmalin myrkur og fullur av stjørnum. Allar stjørnurnar eru eisini har um dagin, men tá síggja vit tær ikki, tí sólarljósið er so bjart. Fyri at halda skil á stjørnunum, síggja vit summar sum myndir. Tá er lættari at minnast tær og sinna tær á himmalinum. Les meira um stjørnur og stjørnumyndir í hesari bók.
Skemtikappingin
Hans vil kappast við Dáva um, hvør ið dugir best at siga skemtisøgur. Vióla, Sandra og Katrin halda við Dáva. Dávur er jú skemtimeistarin! Men eitt er, sum er sera keðiligt. Hans er einki fittur, og hann ger altíð gjøldur burtur úr øðrum. Dávur upp á eina skemtisøgu. Bara eina. Men høvdið er púra tómt.
Hvat veitst tú um dýr ?
Veitst tú til dømis, hví tikarin hevur strípur? Ella hvørjum fugli merst er til av í Føroyum ? Ella hví grísum dámar at rulla seg í runu? Ella hvat ígulfiskur ger, tá ið hann verður bangin? Ella hvat hendir, tá ið hávur missir eina tonn? Í hesi bókini kanst tú stuttleika tær saman við familjuni við at seta spurningar og fáa svar um alskyns dýr. Tit kunnu finna út av, hvussu nógv tit vita, tit kunnu kappast ímóti hvørjum øðrum.
Napoleon
Napoleon var ikki meira enn níggju ára gamal, tá ið hann var sendur heimanífrá á herskúla í Fraklandi, og longu 22 ára gamal var hann oberstur í franska herinum. Men at klára seg framúr væl í herinum var ikki nóg mikið. Skjótt hevði hann valdið í øllum Fraklandi, hann gjørdist keisari - og hann ætlaði eisini at fáa valdið í øllum Evropa.
Nelson
Alt tað, Nelson minnist, hevur honum longst eftir at sleppa til sjós. Tá ið pápabeiggi hansara bjóðar honum arbeiði umborð á skipinum, Raisonnable, tekur hann av. Frá tá av fær hann eitt gott starv fyri og annað eftir og hevur eftir stuttari tíð hægsta starvið í bretska herflotanum.
Ólekkurt
Slímut snor, stinkandi prumpar, sprænandi skræpa og ljóðið av einum knívi, sum verður skavaður eftir einum tallerki. Heimurin er fullur av ymiskum ólekkrum! Hvat er ordiliga ólekkurt? Og hví er tað so ólekkurt? Í hesi bókini fært tú nøkur av svarunum.
Elias - ein hondbóltsstjørna
Tá ið Elias var smádrongur, droymdi hann seg út í heim at spæla hondbólt. Hansara stóri barndómsdreymur var einaferð at sleppa í hvítu troyggjuni hjá THW Kiel, og nú sleppur hann at spæla við týska stórfelagnum. So skjótt vinmennirnir og hann vóru lidnir í skúlanum, fóru teir í Hoyvíkshøllina at spæla. Teir brúktu nógar tímar í høllini. Hetta er ein orsøk til, at Elias er so góður hondbóltsspælari.
Handbók fyri superhetjur 7. partur - Afturkomin
Tey rændu børnini eru afturkomin í øllum góðum, og tað lætnar fyri andanum hjá íbúgvunum í Rosenhill. Men er ikki okkurt løgið við hesum børnunum? Bera tey seg ikki eitt sindur undarliga at? Og hví skuldi rænarin bara knappliga slept teimum aftur? Lisa og hinar superhetjurnar eru sannførdar um, at her ruggar ikki rætt, og tær gevast ikki, fyrr enn tær eru komnar til botns í málinum!
Neandertali/Menniskja
Í dag er bara eitt slag av menniskjum til. Men einaferð í tíðini vóru fleiri sløg. Eitt av hesum sløgunum vóru neandertalarnir. Vit eru nær skyld við tey. Neandertalarnir doyðu út fyri umleið 40.000 árum síðan. Men sumt, sum eyðkendu tey, livir enn í okkum.