22 sannar gátur um uppfinningar
Søgurnar í bókini eru frá veruleikanum og snúgva seg um ótrúligar uppfinningar. Søgurnar eru skrivaðar sum gátur, sum tú kanst loysa. Les, hygg og hugsa. (Prei: Alt, tær tørvar at vita fyri at loysa gáturnar, er í tekstinum ella á myndunum.)
Tann ósjónligi maðurin - Bygd á søguna eftir H.G.Wells
Ber tað til at gerast ósjónligur? Hvussu kennist tað, tá eingin sær teg? Hvat kanst tú finna uppá at gera uttan at verða avdúkaður? Í hesi spennandi endursøguni av óhugnaligu søguni eftir H.G.Wells kanst tú lesa um, hvussu fólkini í eini lítlari bygd í Onglandi royndu at fáa fatur á fyrsta ósjónliga manninum í heiminum.
Donny
Donny hatar skúlan. Hann skulkar og hongur út í býnum. Ein dagin kemur hann til at læna pengar frá einum dreingi. Men av einum dreingi í einum banda. Donny angrar beinavegin, men alt fer av lagi og verður enn verri. Hvussu sleppur hann sær burtur úr støðuni?
Klótuklubbin 2 - Smáttan, sum hvarv
Á garðinum, har Vanja býr, verða nógv av dýrunum sjúk. Samstundis hendir okkurt við tí tómu smáttuni í skóginum, har Vanja og Sívar altíð hava spælt. Hvør er tað, sum tekur gamlar smáttur niður og byggir nýggjar? Og hví liggur so nógv burturkast og flýtur í náttúruni? Smáttan, sum hvarv er onnur bókin í røðini um Klótuklubban, eina detektivstovu við veðurlagi og umhvørvi sum serøki.
Klótuklubbin 1 - Svørtu svanirnir
Ein bátur rennir á brúnna beint við verksmiðjuna í lítlu bygdini. Vanja, Sívar og Marni uppdaga, at olja er á sjónum, og at hvítu svanirnir eru dálkaðir av svartari olju. Kann tað verða verksmiðjueigarin, sum stoytir olju á sjógv? Ella er tað Ludvík, løgni hjálparmaðurin hjá honum? Tá ið eingi vaksin trúgva teimum teimum børnunum, mugu tey taka málið í egnar hendur.
Søgur um fløgg (43)
254 almenn fløgg eru til í heiminum, hóast londini eru færri í tali. Í hesi bókini eru myndir av øllum heimsins fløggum og savningar- og eyðkennismerkjum hjá nøkrum av kendastu felagsskapunum. Tú kanst lesa um, hvussu tey eru vorðin til, og hví tey síggja út, sum tey gera.
Fangaður í kjafti tikarans - og aðrar ræðuligar søgur um djóraálop
Norman elskar tikarar og aðrar stórar kettur so nógv, at hann vil eiga tær. Tí keypir hann bæði leyvur og tikarar og hevur tey í heimagjørdum girðingum. Norman heldur, at hann hevur eitt serligt samband við djórini, og at tey ongantíð fara at leypa á nakran. Men ein dagin, tá ið ein drongurkemur á vitjan, endar heilt galið ...
18 Duldarfullar gátur
Hvat er loyndarmálið við Bermudatríhyrninginum? Hvussu bar tað til, at Frælsisgudinnan hvarv? Hvat gjørdi gandakallurin Jasper Maskelyne fyri at lumpa nasistarnar? Í hesari bókini eru átjan gátuførar søgur úr veruleikanum. Tær eru sagdar sum gátur, so vita, um tú klárar at loysa tær. Les, hygg og gita.
Kavbátar
Hvat verða kavbátar brúktir til? Nær vóru fyrstu kavbátarnir bygdir? Hvussu sleppur manningin til rýmingar, um okkurt er áfatt? Og hvussu gjørdu kavbátar sítt til at vinna báðar heimsbardagarnar? Her kanst tú lesa um ymisk sløg av kavbátum, frá kjarnorkuriknum risum til evarska lítil robottfør. Tú kanst lesa um spennandi tilveruna umborð á kavbáti og falda síðurnar út, so tú sært ein kjarnorkuriknan kavbát innan.
Herskip
Nær sigldu fyrstu bardagaskipini í kríggj? Hvussu skjótt kunnu herskip sigla tvørtur um aldur? Hvørji fyri vápn eru umborð á herskipum? Hvat er størsta herskipið á sjónum? Frá sjóbardøgum til nútímans stríð við tøkni - í øldir hava herskip rátt á heimsins høvum. í hesi bókini sleppur tú umborð á kendastu herskipini í heiminum.
Nørd
-Maria, tú mást ongantíð gera hatta. Erlendur nikkar móti filminum við Heiðu, sum syftir hárið aftur og fram. Í rykkum. Eg nikki. Sjálvandi. Eg hevði kortini ikki klárað tað, um eg royndi. - Eg lovi tað. Hvussu langt ert tú fús at fara fyri at verða væl umtókt?
21 sannar detektivgátur
Í hesi bókini eru 21 spennandi detektivsøgur. Allar eru frá veruleikanum, men tær vrða fortaldar sum gátur. Loysnirnar til gáturnar finnur tú í tekstinum ella á myndunum. Les, hygg og lurta. Góða eydnu!
Meira rætt ella skeivt
Eru rottur nakrantíð ákærdar fyri stuldur og hóttar við deyðarevsing í einum vanligum dómstóli? Er ein ósløkkjandi, brennandi steinur til? Eru børn fødd í rúmdini, og vóru tað vaksin, sum fyrst brúktu suttu? Her eru 14 spennandi og løgnar søgur. Les, hugsa, met um royn so at gita, hvør søga er røtt, og hvør er rong. Tann, sum ljóðar sonn, kann vera rong, og tann, sum ljóðar rong, kann verða røtt.At enda fært tú hugskot til, hvussu tú kanst gera tína egnu rongu ella røttu søgu.
Álopin av áarrossinum og aðrar spennandi søgur um dýraálop
Tá ið hann vaknaði aftur, var hann umgirdur av sera ringum lukti. Alt var myrkt rundan um hann, og hann helt, at hann var vorðin blindur. Men tað kendist so løgið, tí beinini vóru í vatni, men kroppurin kendist turrur. Turrur, men fullur í slími. Okkurt tungt trýsti á búkin og um at vita, hvat var hent, og hvar hann var, eydnaðist tað honum at lyfta hondina og føla, hvat tað var, ið var hent. Hann var fangaður í kjaftinum á áarrossinum!
Pólnátt
16 ára gamli Ilias býr í einari flóttafólkamóttøku saman við níggju ára gomlu systur síni, Amiru. Ein dagin hendir nakað, sum ger tað vandamikið at verða verandi. Systkini noyðast at flýggja út í ta myrku náttina. Vindurin er ísakaldur, og tey hava skund. Skjótt hoyra tey kavaskutaran, sum er eftir Iliasi. Hvør kann hjálpa teimum ígjøgnum ta frystu´vetrarnáttina?
Mira 2 Húsbátur - babba - kærleiki
Tað er stuttligt at droyma. Altso, ikki sum tú gert um náttina, men dagdroyma. Knappliga kunnu dagdreymar gerast veruleiki. vit mugu minnast til at droyma við opnum eygum. Men hóast tað er ein stórur dreymur, kanst tú væl gerast eitt sindur stúrin, um tú skalt møta pápa tínum fyri fyrstu ferð. Tí hvat nú, um tú ikki passar inn í lívið hjá honum? Ella øvut? Ella um dreymurin verður eott vónbrot? Og hvussu er tað í grundini bæði at skula vera hjá mammu síni og pápa sínum?