Fitta milliónin (30)
Ein púra vanligan dag vinna Frank og mamman í lotto. Og sjálvandi er ongin dagur vanligur aftan á tað. Øll í bygdini vilja hava tær fýraogtjúgu milliónirnar. Mamman ger alt verri, tá hon sigur, at tann fittasti persónurin í bygdini fær burtur av pengunum. Tað verður so ringt, at mamman og Frank noyðast at rýma í Suðurlond at ferðast. Hvussu leingi kunnu tey krógva seg? Hvør í bygdini fer at vinna kappingina um at vera fittast? Og kann tað veruliga enda við,at Frank ikki fær eitt klovið oyra?
Mín gløggi vinur (34)
Krimisøgurnar fylgja álmanakkanum og eru ein livandi lýsing av tí nógva og spennandi, sum hendir her í Føroyum. Gáturnar nema samstundis við tað ódámliga, sum vit í felag mugu fyribylgja og koma til lívs. Hugskotið er at árvakni lesarin lærur seg at steðga á við støður, har tað verður logið, svikað ella eitthvørt illgrunasamt býr undir.
Heimsins vandamiklasta harkalið 2 (24)
Heimsins vandamiklasta harkalið er aftur her! Killer, Kryvjarin og Skrappi hava sligið seg saman við Vampýrrósuni. Tey gera øll í grannalagnum hjartkipt og liggja í einum hørðum tvídrátti við Ræðuliga dreingjaharkaliðið. Les fýra nýggjar søgur um HVH. Veruligir brotsmenn koma í Illaskóg, og tað á føstulávint!
Málverjin og havið (30)
Ein nýggjur fótbóltsvenjari ger lívið trupult fyri tólv ára gamla málverjan Lenu Líð. Í grannahúsunum hugsar Trilli um, hvussu hann skal fáa ta nýggju gentuna í flokkinum at varnast seg. Og á sjónum baksast abbin sum vant uttan at hugsa um, at hann er blivin gamal. Hetta árið mugu tey stríðast, Lena, Trilli og abbin, bæði við seg sjálv og við náttúrukreftirnar. Bókin er sjálvstøðugt framhald av Vafluhjørtu
Træhúsið í 78 hæddum
Nú hevur træhúsið fingið eitt krutlihøli, eitt ovurstórt, óklakt egg og ein útibiograf, sum sýnir teirra egna træhúsafilm! Andy og Terry ætla sær nevnliga at gerast stórar kanónir í filmsheiminum. Men tað er ikki bara bara at gera film. Andy sleppur ikki at spæla leiklutin sum Andy, tí ein apa spælir leiklutin meira sannførandi. Og so eru nakrar lúnskar njósnarakýr eisini farnar at gera um seg … Íðan, hvørjum bíðar tú eftir? Kom við upp!
Træhúsið í 65 hæddum
Ótrúliga træhúsið hjá Andy og Terry hevur nú fingið eina kelidjórasalong, eitt føðingardagsrúm, har tú altíð hevur føðingardag (sjálvt tá tú ikki fyllir), eitt rúm fult við brestandi eggum, ein sleikisneisahandil, eitt kar við kyksendi, ein meyrugarð , eina tíðarmaskinu og Træhúsatíðindastovuna, sum sigur frá øllum teimum nýggjastu tíðindunum úr træhúsinum. Andy og Terry koma í neyð, tí Terry gloymdi at biðja um byggiloyvi, og nú hóttir Bløðruplast umsjónarmaður við at skræða húsið niður.
Herviligi Henry og kannibalbanningin
Søgurnar um Herviliga Henry eru : Bakarameistarin Herviligi Henry - Herviligi Henry og kannibalbanningin - Eyka herviliga leiðbeiningin hjá Herviliga Henry til Rullkomin foreldur - Herviligi Henry og illavorðna bókin.
Handbók fyri superhetjur 3.partur - Einsamøll
Samstundis er hvør einasti ránsmaður og tjóvur í býnum Rosenhill bangin fyri at hitta loyndarfullu superhetjuna. Øll uttan tann vandamiklasti skálkurin, Wolfgang. Hann er móður av at verða hóttur av Reyða skortinum, og hann hevur sett sær fyri at steðga superhetjuni, einaferð med alla.
Handbók fyri superhetjur 4.partur - Úlvurin kemur
Vandamiklasti skálkurin í býnum, Wolfgang, hevur rænt borgarstjóran og vil hava Reyða skortin afturfyri. Leingi hevur hann roynt at fanga Lisu, og nú tykist hann vita júst, hvussu hann skal bera seg at. Lisa veit ikki síni livandi ráð - skal hon bjarga sær sjálvari, ella geva seg upp í hendurnar á rænaranum fyri at bjarga borgarstjóranum? Men brádliga fær hon óvæntaða hjálp. Spurningurin er bara, um Lisa kann líta á nýggju vinirnar?
Høgni verður ein høsnarungi
Høgni við Tutlá hevur eitt ótrúligt loyndarmál. Hann kann broytast til eitt dýr. Øll sløg av dýrum, í veruleikanum: eina loppu, eina dúgvu, ein nashyrning … Tað er bara tað, at tað bara hendir, tá ið hann er stúrin, og beint nú hevur Høgni nógv at stúra fyri: beiggjanum (sum liggur á sjúkrahúsi), Foreldrunum (sum eru frá sær sjálvum av ótta) og- Foreldrunum (sum eru frá sær sjálvum av ótta) - Og fortreðgeraranum í skúlanum (sum hevur valt sær Høgna sum syndabukk).
Søgunámið (28)
Í 16 myndprýddum søgum og ævintýrum er kanska okkurt, ið vil hugfanga teg. Tú kanst leita í tí vakra og kærleiksfulla. Men eisini í tí vandafulla og óhugnaliga. Lívið er góður og ræðandi søgur. Sum ein spennandi bók. Uttan aldursmark.
Bakibókin í Vallbakkaskóginum (15)
Kom við Haru-Peri bakarameistara og bakaradronginum og lær teg at baka. Í bókini finnur tú millum annað hunangskøkurnar hjá Bjarnamammu, fyltu hornini hjá Hjalsmúsini, føðingardagskøkuna hjá Bamsapápa, grønmetistertuna hjá Elsdýrinum og sjálvandi bæði vanligar og dupultpipraðar piparkøkur. Haru-Per bakarameistari lærir bakaradrongin og tykkum nýggju bakarar um køksreglur og gevur okkum nógv góð hugskot um bakstur. Ein flott bakibók til alla familjuna við nógvum hugskotum.
Svans á listasavninum
Tá ið listasavnið í Svipstrup skrivar út eina listakapping, verða tey í 3. A øgiliga spent, tí ímynda tær, at teirra flokkur vann? Men Foxy og Mikkjal varnast, at onkur snýtir, og at kanska sjálvur borgarstjórin er uppií. Tí leggja tey eina snilda ætlan um at bróta inn á savnið. Tað kann sjálvandi bara ganga galið - og tað ger tað í ólukkumáta ...
Harry Potter 4 v/myndum - og eldbikarið
Við makaleysum listarligum dugnaskapi gandar listamaðurin, Jim Kay, fram hugtakandi hendingar og yndispersónar: Illoygda Moody, Viktor Krum, Ritu Skeeter og fleiri onnur, ímeðan Beauxbatons, Durmstrang og Hogwarts stríðast fyri at vinna trígandasteypið í hesari einastandandi myndprýddu útgávuni av fjórðu bókini í sera væl umtóktu bókarøðini eftir J. K. Rowling.
Snjósystirin (9)
Skjótt verður jólaaftan, sum eisini er føðingardagurin hjá Jóali. Tað plagar at vera besti dagur í árinum, tá ið jólatræið stendur pyntað, og ljósini eru tendrað, luftin er full av anganum av klementinum og piparkøkum, og tað brakar í opna eldstaðnum Hendan jólasøgan í 24 pørtum fær tann gandakenda hýrin fram, sum tú kennir aftur úr Einum jólaævintýri eftir Charles Dickens ella úr søgunum hjá H. C Andersen.
Vafluhjørtu (41)
í bókini fylgja vit Trilla og Lenu gjøgnum lív og vafludeiggj í eitt heilt ár. Mangan gongur tað vilt fyri seg í lítlu víkini, har tey búgva.Tey gera rennistrong millum húsini, spæla annan veraldarbardaga og framføra ónleik á gøtuni. Tá er gott, at tey hava sovoriðin sum abban og tey at fáa skil á øllum aftur. Men hvat nú, um okkurt er, sum ongin fær skil á aftur?