Træhúsið í 78 hæddum

Nú hevur træhúsið fingið eitt krutlihøli, eitt ovurstórt, óklakt egg og ein útibiograf, sum sýnir teirra egna træhúsafilm! Andy og Terry ætla sær nevnliga at gerast stórar kanónir í filmsheiminum. Men tað er ikki bara bara at gera film. Andy sleppur ikki at spæla leiklutin sum Andy, tí ein apa spælir leiklutin meira sannførandi. Og so eru nakrar lúnskar njósnarakýr eisini farnar at gera um seg … Íðan, hvørjum bíðar tú eftir? Kom við upp!

Trøllið hjá pápaleysa

Úlvur Lítli og bláfrakkarnir

Úlvur Lítli má hava sterkt hjarta, tá ið bláfrakkarnir, hermenn teirra hvítu, nærkast tjaldbúðunum undir fjøllunum. Úlvur Lítli er sannførdur um, at ein ávís ætlan er við øllum, ið hendir, eisini tá ið fólk hansara hevur tað svárt. Tí sóknast hann eftir teknum frá fremsta hjálpara sínum millum djórini, einari stórari, svartari úlvstík. Revaoyra, besti vinur hansara, og ein stór grábjørn leiða hann at enda á rætta leið.

Úlvur Lítli og Talandi Tekn

Úlvur Lítli og Revaoyra noyðast at fara í Skúla Svartkappans á Friðingarøkinum. Teir skilja lítið av tí, teir læra, men gera av, at teir skulu læra seg Talandi Tekn teirra hvítu, tí tey bera longri enn ørvar. Svartkappi gevur báðum nýggj nøvn, men Úlvur Lítli og Revaoyra vita, at hetta fer ikki at broyta teir. Teir fara altíð at vera teir, teir eru.