6-9 ár: Heimalambið Nella
Heimalambið Nella kemur í húsið hjá Bettu og Jóhann at vera. Nella fær eitt lítið stykki niðan fyri húsið at vera og eta gras, men tað gongur ikki so væl. Hon vil hvørki vera innibyrgd ella einsamøll. Hon berjist sum fyri lívinum fyri at sleppa út, rennur eftir hundum, óruddar í kjallaranum, órógvar á rættini, í hoyna og allastaðni, har hon er, og so er hon eisini so veðursjúk.
„Á, Nella, Nella, tú ert ein gella!“ sigur Betta.
Les stuttligu søguna um Nellu, sum Betta á Dalinum hevur skrivað, og Jana Jonhardsdóttir hevur myndprýtt.
2-5 ár: Sukurvatt
Hjálp, kom og hjálp mær!" hoyrir hann tað runga niðri úr vaskinum, so tað ekkóar um allan kjallaran. Hvør er hatta sum rópar soleiðis? Hann lirkar eitt eyga upp og skeitir niður í vaskið. Hann sær bara skínandi, blankt stál. So lirkar hann eitt eyga upp aftrat. Jú, har er okkurt niðri á botninum. Jú, mín sann! Ein tvísterta, sum hann ongantíð hevur sæð fyrr, stendur har púra einsamøll mitt niðri í vaskinum.
10-13 ár: Norðlýsi 3 - Krákusystrarnar
Gátuføra fjallafólkið tekur væl ímóti Sonju, Bjarnari og Lottu. Bygdin er á tremur við hentum gandi og vinaligum fólkum. Allíkavæl fær Sonja frænir av, at teirra leiðari, Ravdna, fjalir eitt myrkt loyndarmál.
Norðlýsi-bøkurnar hava ligið ovast á metsølulistunum líka síðani fyrsta bókin kom í 2018. Tann bókin vann ikki minni enn tríggjar virðislønir, Arks barnebokpris, Pondus-prisen og Barnas bokpris.
Malin Falch er úr Tróndheimi, men býr nú í Oslo. Hon hevur fyrr útgivið Norðlýsi bók 1 - Ferðin
til Jøtundalin, Norðlýsi bók 2 - Víkingarnir og oraklið og Bjarnar.
10-13 ár: Norðlýsi 4 - Trøllaríkið
Inn í trøllaheimin
Sonja, Espen og Lotta fara á eina vandamikla ferð inn í trøllafjallið. Ein óvæntaður hjálpari kemur við, men hóast allar góðar kreftir, ber tað so til at vinna á risastóru trøllunum og sleppa livandi út aftur úr fjallinum?
Malin Falch (f.1993) hevur skrivað og teknað røðina Norðlýsi við íblástri úr norskum ævintýrum.
Trøllaríkið er fjórða bókin í røðini.
0-1 ár: Fantus nú roksar tú, fílur
Tað er nógv stuttligari at busta føtur enn at busta tenn. Skógvarnir rigga nógv betur á hondunum – og skal blæan altíð vera á rumpuni? Hygg undir klaffarnar og síggj, hvussu Fílur roksar allan dagin.
Ein stuttlig peikibók við stórum klaffum á øllum síðum!
Fólk og dólgar í Kardamummubýnum
Les um dólgarnar, Kaspar, Jaspur og Jónatan, um Suffíu mostur, Bastian politimeistara og mong onnur í hesum frálíka klassikara. Aftast eru løgini til sangirnir, sum sungnir verða í Kardamummubýnum.
Álvur og litirnir
Álvur sær litir allastaðni, har hann hyggur.
Troyggjan, himmalin, nissuhúgvan og kakublikkið hjá ommuni hava ymsan lit.
Stavar frá upprunaligu Álvur Ákason-verkunum, sum Gunilla Bergström skrivaði og myndprýddi.
Elvin Griff Agentur 7 - Flýggjanin til fongslið
Elvin Griff flýggjar saman við Lýdiu. Tá onkur kennir tey aftur, mugu tey leypa út av einum fjalli á einum flogdreka fyri at sleppa undan at verða fangað. Tann sveimandi túrurin endar beint við eitt fongsul. Og kann mann veruliga bróta inn í eitt fongsul?
Elvin og Lýdia eru í vandamiklastu avbjóðingunum, tey nakrantíð hava verið í.
Serstaki Einar
Einar er ikki sum tey flestu. Men høvdu øll verið eins, høvdu menniskjuni kett seg og doyð út. Tað er Einar vísur í. So hann vil nógv heldur hava downsyndrom.
Men honum dámar ikki so væl at tveita steinar á vindeygu. Ella at fáa Illa-Lars at flippa út. Hvat um tað ber til at venda øllum upp og niður? Gera okkurt, sum eingin annar hevur klárað at gjørt fyrr?
Ein bók um stórt dirvi, serstøk vinaløg og eitt eyka kromosom.
Luddi og Lundisa spæla lunda-krógva og blunda
Luddi og Lundisa finna eina rúgvu av tómum holum í lundalandi. So fáa tey eitt ordiliga gott hugskot.
„Kom og spæl krógva og blunda," sigur Lundisa.
„Ja, lunda-krógva og blunda!" sigur Luddi.
Einhyrningaskúlin 2
Beinta og Eldsól elska at vera í Einhyrningaskúlanum. Tað er tað perfekta staðið at hava tað stuttligt og at vera eitt sindur gellutar.
Tað gandakenda Gliturvatnið er um at frysta til ís, og um tað hendir, má skúlin steingjast. Tað má ikki henda! Beinta og Eldsól seta sær fyri at bjarga Gliturvatninum og allari Einhyrningaoynni.
Heimurin hjá Rosu 3 - Rosa er ill
