Surrandi og krúpandi SMÁKYKT
Tað eru nógv túsund sløg av smákyktum til. Visti tú, at tað bara er honmýggjabitin, sum sýgur blóð? Ella at grindalokkur er ein risamýggjabiti? Og at grátt undir steini hevur táknur? Og hevur tú nakrantíð hugsað um, hvussu nógv eygu ein eiturkoppur hevur? Um klukkur duga at flúgva? Ella um reyðmaðkur skríður líka væl aftureftir sum frameftir? Les meiri um, hvussu hesi og onnur smákykt liva.
Heimsfarsóttir
Ein sjúka breiðir seg um allan heimin. Er honvandamikil? Fara nógv at doyggja? Fáa vit hjálp, um vit gerast sjúk? Í hesi bókini kanst tú lesa um nógvar heimsfarsóttir, og hvussu tær ávirka okkum. Eisini um koronu í Føroyum.
Vinur mín Bartal - Tey í skrímslagarði
Bók, sum er stuttlig og løtt at lesa.
Eftirgjørdur intelligensur
Hvussu læra verkfrøðingar robottar at hugsa?Er nakað,sum intelligentir robottar ikki duga?Hvar í heiminum eru robottar við eftirgjørdum intelligensi longu settir at arbeiða?Fara maskinur nakrantíð at verða klókari enn menniskju?Heldur tú,at maskinur ikki eru so intelligentar sum fólk? Henda bókin fær teg at hugsa te um.Les um,hvussu intelligentar maskinur-frá snildfonum til bilar við ongum førara-loysa alskyns uppgávur,frá at kanna rúmdina og til at duga at spæla-og vinna-eina rúgvu av spølum.
Bukað
Pápi Odu trillar súkkluna hjá henni inn í bilhúsið. Oda sleppur ikki at súkkla meiri. Hon dettur so lættliga. Hetta er søgan, sum Oda sigur teimum, sum spyrja. Men sannleikin er ein annar. Ein sannleiki, sum Oda ikki vil siga. Ikki pápanum. Ikki læraranum. Ikki besta vininum, Milad.
Merkilig met
Ein bók við nógvum merkiligum og stuttligum metum. Les um heimsins minsta hund og heimsins hægsta torn. Um hann, sum var í bað við slangum, og um bjørnina, sum var ein soldatur.
Ghost - sum tjóvur á nátt
Eg strúki hondina eftir blanka leðrinum á kuffertinum. So trýsti eg á lásið, so tað fer upp. Eg hvøkki við, tá ið eg síggi tann hvíta búnan og grímuna. Hatta er hon. Gríman, ið maðurin, sum drap vinmannin hjá pápa, var í. Maðurin við teimum glóðreyðu eygunum.
Øskufía
Neyðars Øskufía er noydd at gera mat og rudda fyri stjúksystrarnar, og ónda stjúkmamman letur hana ikki sleppa í veitslu á slottinum. Men so kemur álvagumman, og tá broytist alt, meðan stjørnurnar glitra...
Hulda pyntar seg
Í bókini eru tvær stuttligar søgur um Huldu, heimsins løgnastu heks, og frensin Brúsa. Í Sirkus Huldu ger Hulda sítt egna sirkus, tí hon vil vera yndisligur línudansari. Í Kapprenning fyri grýlur pyntar Hulda seg til eina kapprenning fyri grýluklødd, men tað gongur ikki heilt sum ætlað...
Reyðhetta
Reyðhetta fer at vitja ommu sína. Men í skóginum bíðar ein sera svangur úlvur við eini lúnskari ætlan.
Rudda nú, Hulda!
Í bókini eru tvær hugtakandi søgur um Huldu, heimsins løgnastu heks, og frensin Brúsa. Í Flúgvi-bløðran gandar Hulda sær eina bløðru, so hon kann flúgva av stað frá øllum óruddinum við hús. Í Ráðaríka Hulda ætlar Hulda at flyta alt innbúgvið, men innbúgvið ætlar nakað annað!
Gutti og skálkarnir
Øll í løgregluni handtaka skálkar. Uttan Gutti. Skammikrók, siga hini. Men í morgin . . . tá skal Gutti vísa teimum.
Fangaður í bjarnaklónum - og aðrar spennandi søgur
Todd tveitti seg niður, og bkørnin fór at klóra og bíta. Todd føldi, hvussu bjarnaklørnar skóru ígjøgnum ryggsekkin. Hann helt aftur um háls og nakka á sær. Hjartað dukaði í bringuni á honum. Hann var sloppin við lívinum í fyrra álopinum, men tað var als ikki vist, at tað fór at eydnast eina aðru ferð afturat. Um bjørnin fekk hol á eina av teimum stóru bjóðæðrunum, so fór hann at bløða út í skóginum.
Eitrandi dýr
Hví eru summi dýr eitrandi? Hvat hendir, tá ið ein ormur bítur? Hví stinga vespur? Hvat er tað mest eitrandi dýrið í sjónum? Í hesi bókini fært tú svarið og meiri at vita um vandamikla heimin við eitrandi dýrum.
Vakurleikin og ódjórið
Tá ið pápi Bellu hentar eina rósu í urtagarðinum á einum slotti, møtir hann einum ræðuligum ódjóri. Djarva Bella setir sær fyri at bjarga pápanum... men hvat bíðar henni á gandaða slottinum?
Birita og summargávan
Fýra vikur í summarhúsinum uttan vinkonur! Hetta verður tað keðiligsta summarið, hugsar Birita. So hittir hon Kristinu, og alt sær út til at verða gott. Men summargávan frá Kristinu ger alt so trupult.