Stór rovdjór Leyvan
Leyvur eru stórar! Tær eru størstu ketturnar í heiminum og eru sterkir og vøddamiklir veiðarar. Tær hava hvassar tenn og eru ofta í bólki, tá ið tær veiða. Í hesi bókini kanst tú lesa um, hvussu tær liva, hvat tær eta, og hvussu tær uppala ungar sínar.
Gátan um róman
Omman hevur ein trupuleika. Rómin er burtur... Tíbetur dugir Óli at leita. Óli leitar eftir sporum og prógvum. Hvør man hava stolið róman?
Fjalladjór -Heimurin hjá Djóra-Djóna
Djóra-Djóni sigur frá síni yndis fjalladjór. Frá kinkilluni til snjóleopardin. Visti tú? At kinkillur brúka oyruni at sleppa sær av við hitan? At andeskondorar er tað fuglaslagið í heiminum, sum livir longst? At pandur kunnu viga upp í 160 kilo?
Bunkarin 1
Nanna sær Mark fara spakuliga inn í bunkarin. Himmalin uppi yvir henni tykist ljósur samanborið við holið, har hon stendur. Skýggini fara spakuliga frmavið, og av og á hoyrist eitt likkugól; annars er friðaligt. Hon setir seg at húka og starir inn í myrku gongina. Nakrir veikir ljósglottar siga henni, at Mark framvegis er har inni.Nakrir fuglar fara flákrandi og látandi beint uppi yvir holinum, og tað fær hana at reisa seg upp. Hvat hevur rætt teir? Hon heldur ondini og lurtar.
At yvirliva
At yvirliva er um at koma livandi frá vandum, frá ýlandi stormum til at liggja og reka úti á opnum havi. Les ótrúligar,sannar søgur um fólk, ið eru stødd einsamøll úti á nøkrum av vandamiklastu støðunum á jørðini, og sum koma undan við lívinum við einføldum kynstrum og hegni.
19 Søguligar gátur, Frá Titanic til Dracula
Í bókini eru spennandi søgur frá veruleikanum. Søgurnar eru skrivaðar sum gátur, sum tú kanst loysa. Les, hygg og hugsa. (Prei: Alt, tær tørvar at vita fyri at loysa gáturnar, er í tekstinum ella á myndunum.
Mááál!
5.b er við í finaluni! Hvussu man tað fara at ganga? Vilhjálmur og Mia ganga saman! Fer tað at halda? Kristian og Vilhjálmur klandrast. Verða teir nakrantíð samdir? Mááál! er triðja bókin av trimun um Vilhjálm og vinirnar. Fyrru bøkurnar í røðini eru Sparka og Skjót!
Óhugni í skúlanum
Trý systkin. Linus, Maja og Oskar. Átta,tíggju og tólv ára gomul. Ein vanligur skúladagur... ein vanligur skúlatími... ein lærarinna, ið ber seg undarliga at!
Rotin jól, Lý
Lý er glað. Hon skal halda jól saman við systrini, Fíu. Lý ger eina gávu til Fíu. Hon gleðir seg at geva Fíu myndina. Fer Fía at verða glað fyri gávuna frá Lý?
Lý
Lý er glað. Í dag skal hon hitta Fíu, nýggju systrina. Fía er 13 ár. Tað er kul at hava eina systur, sum er 13 ár. Ella er tað?
Veður
Í bókini, Veður, fært tú nógv at vita um veðrið, til dømis hvussu tung skýggj kunnu verða, hvussu hiti verður máldur. hví toran brakar og buldrar, hví tað er kaldari uppi í fjøllunum enn við sjóvarmálan og mangt, mangt annað.
Katrin í Toftum
Søgan um Katrina í Toftum byggir á søgnina, Katrin í Toftum; søgnin er út Hósvík frá seinast í 18. øld.
Eg vil heim
Pól og Ninus sova hjá abba og ommu. Abbi, koyr meg heim til mammu. Ninus vil heim í sína song.
Mina, hvør eri eg?
Mina er glað og hevur tað gott á trøðni, har hon býr saman við Æsu og lombum hennara, men tað er bara eitt, sum hon hugsar um. Æsa, eri eg eitt lamb? spyr hon.
Eg og mítt kelidýr - Ketta
Visti tú, at kettur sova tvær ferðir so nógv sum tú? At kettur hava fimm tær á framlabbunum, men bara fýra á afturlabbunum, og at hvítar kettur við bláum eygum eru næstan altíð deyvar? Tað er deiligt at tosa við kettuna hjá sær og kína henni. Men tað er eisini stór ábyrgd at hava kettu. Og tí mást tú vita, hvussu tú skalt ansa og taka tær av henni, so hon hevur tað gott.
Eg og mítt kelidýr - Hundur
Visti tú, at chihuahua er minsta hundaslagið, sum er til? At tevið hjá hundum er fleiri hundrað ferðir betri enn títt, og at tað eru hundar, sum ikki duga at goyggja? Tað er stuttligt at spæla við hundin hjá sær og læra hann ymisk kynstur. Men tað er eisini ein stór ábyrgd at hava hund. Og ti mást tú vita, hvussu tú skalt ansa og taka tær av honum, so hann hevur tað gott.