Tá ið skrubban fekk heilaskj.
Við eitt verður skrubban syft upp úr dýpinum og endar við einum klamsi á onkrum, ið er hart sum grót. Hon heldur seg hoyra onkran rópa, men hon er púra í ørviti. Tá ein løta er farin, heldur hon seg síggja okkurt reytt, og hon kennir tað, sum fær hon ikki luft. Skrubban veit ikki, hvar hon er.
Kepler62, Niðurteljing 2
Maria er dóttir ein ovurríkan vápnaseljara.Hon má hava heimaundirvísing, tí pápin er lívræddur fyri, at hon skal verða rænd.Mariu leingist burtur frá lívinum við tveimum tænarum í einum herðskapshúsi.Eftir at hava goldið fyri at sleppa at spæla tað ómøguliga Kepler62-spælið, fær hon eini løgin boð.Er hon veruliga útvald til at sleppa við á eini rannsóknarferð út í rúmdina?Og kann hon angra,tá hon hevur sagt ja?
Kepler62, Innbjóðingin 1
Ari og beiggin Jóni royna at fáa hendur á telduspælinum Kepler62. Tað ganga søgur um tey fáu, sum hava klárað spælið, at tey verða tikin av einum loyniligum felagskapi, og at tey skulu ferðast til eina ókenda eksogongustjørnu. Er tað sannheit? Ella hevur einræðisstjórnin heilt aðrar ætlanir? Teir skriva aðruhvørja bók. Innbjóðingin og Niðurteljing eru tær báðar fyrstu bøkurnar í røðini. Be part of the story
Holið
Ein nýggjur tunnil bindur ta avbyrgdu bygdina Fjallvík saman við restini av landinum.Men hvat kemur burtur úr tí svarta tunnilsholinum?Framburður og vælferð, lova politikararnir.Synd og ógudiligheit, ávarar pápi Dávid. Dávid veit ikki, hvat hann skal halda.Hann er ein serligur drongur, sigur mamman. Onnur kalla hann yvirklókan.Tíbetur eigur hann ein stórabeiggja, Pætur sum ansar eftir honum. Men hvat nú, um Pætur rýmir gjøgnum tunnilin,burtur frá honum...?
Vitello fær ein fosturpápa
Mamma mussar ein skallutan mann, sum eitur Gregers, úti við havaportrið. Vitello dámar hetta ikki. Loyniliga gentan hjá honum, sum eitur Kamma, heldur, at hann fer at fáa ein fosturpápa. Vitello sigur nógvar illbønir, tí hann jú longu eigur ein pápa, sum er eitt bartrog og ein supereingil.
Eldførið
Ein ungur soldatur, ein fongslað prinsessa, heksir, úlvar og Deyðin ganga hond í hond í hesi framúrskarandi bókini eftir heiðurslønta rithøvundan Sally Gardner. Íblásturin til søguna hevur hon fingið úr kenda ævintýrinum hjá H. C. Andersen Eldføri. Otto Hundebiss er hermaður og troyttur av krígnum. Hann verður særdur, men kemur undan við lívnum.Ein loyndarfullur skapningur, hálvt beist og hálvt maður, er um hann, til hann er komin fyri seg.
Tsatsiki og olivinkríggið
Á griksku oynni hjá Tsatsiki er onki sum fyrr. Pápi Høgguslokkafiskarin skyldar bankanum pengar og ætlar at selja bæði olivinviðalundina og hotellið. Tað má bara ikki henda!Tsatsiki og Alva verða vinir. Alva hevur nógv góð huskot og er ikki bangin fyri nøkrum. Og so er hon við upp á alt. Men tá ið Per Hammar (Hamarin) knappliga kemur, verður galið.
Malla ræður
Hví skal Malla altíð gera, sum tey vaksnu siga. Rudda, skunda sær og eta døgurða, tá ið hon heldur vil spæla? Má tað vera so? Kann tað ikki vera øvugt? JÚ! Malla fær gjaldskortið hjá mamuni við kodu og tí heila. Nú skulu mamman og pápin gera, sum Malla sigur, tí í eina heila viku er tað hon sum ræður! Hvat tey skulu eta. Nær tey skulu í song og upp um morgunin. Hvat er loyvt og ikki. Ja, stutt sagt ALT. Tað má vera paradís á jørð – ella?
So normal og tó ikki
Bókin er skrivað yvir fleiri ár.Hon byrjar í 2009 og endar í 2016. Hon er sett saman av dagbókabrotum, sangum, matuppskriftum, men serliga av frásøgum um, hvussu tað er at liva sum ung kvinna við autismu.Hvørjar avbjóðingar kunnu vera, og hvussu trupult lívið kann vera. Hon er eisini um alt tað positiva í lívinum, kærleikan til familjuna, hjálparfólk, sum Birita er blivin góð við, tónleikin, bøkurnar, handarbeiðið.
Half Lost - Tað vilsta í mær
Nathan Byrn flýggjar aftur. Samgongan er syndrað, spjadd og framvegis jagstrað av Ráðnum. Bert við dirvi og snildi kunnu uppreistrarmenninir bjarga sær undan fulkomna ósigrinum.Teimum tørvar hina helvtina av verndargripinum hjá Gabriel, ein elligamal lutur, sum gevur beraranum ósigrandi mátt. Men verjin hjá verndargripinum, hin máttmikla heksin, Ledger, hevur sína egnu ætlan. Fyri at vinna hennara álit, má Nathan fara til USA at sannføra hana um at geva honum verndargripin.
Pax 6, Nykurin (38)
Sættu bókini í røðini eitur Nykurin. Tá ið flokkarnir hjá Alva og Viggo skulu hava evnisdag úti á ísinum, hendir nakað ræðuligt. Alvi fer ígjøgnum ísin! Kann tað vera nykurin, ein vatnvera, sum liggur og lúrir undir vatnskorpuni? Samstundis er nýggjur slotsvørður komin á Gripshólm, men okkurt óunniligt er við honum. Og oman á alt er mamma Alva og Viggo komin at vitja.
Pax 5, Gasturin (38)
Í fimtu bókini í røðini, Gasturin, skulu tey skjótt ganga lucia, men ongin veit, hvussu óhugnalig ársins luciugonga fer at verða. Eitt sakleyst spæl verður knappliga ógvuliga vandamikið, tá eitt portur letur seg upp til hina síðuna,og tríggir gastar fara at herja í býnum. Alvi og Viggo noyðast at fáa hjálp frá einum, sum teimum als ikki dámar. Samstundis eru Símun og pápin meira enn nakrantíð eftir teimum.Men Viggo hevur fingið eitt ótrúliga gott hugskot; nú er endiliga møguleiki at hevna seg!
Mín jólabók 2016
Mín jólabók er ein bók til alla familjuna, ein kalendarabók um tú vilt. Ein bók við fittum søgum og tekningum, hugskotum og íblástri til hugnaligar løtur saman - børn og vaksin - í køldu, myrku tíðini upp undir jól.
Frøerne på Færøerne (34)
Bókin er um ta stuttligu hendingina, tá froskar endaðu í kjallaranum hjá einum abba úti í Nólsoy. Ein partur av søguni fer fram í Keypmannahavn og við mosan í Utterslev .
Froskarnir í Nólsoy
Bókin er um ta stuttligu hendingina, tá froskar endaðu í kjallaranum hjá einum abba úti í Nólsoy. Ein partur av søguni fer fram í Keypmannahavn og við mosan í Utterslev .
Harry Potter 2 við myndum (10)
Harry Potter og kamarið við loynidómum byrjar við, at húsálvurin Dobby ávarar Harry og biðir hann um ikki at fara á Hogwarts, tí okkurt ræðuligt fer at henda honum. Men sjálvandi fer Harry avstað, og sjálvandi hendir nógv ræðuligt, ímeðan hann og Ron og Hermione leita eftir kamarinum við loynidóminum.