Skúlabyrjan-Pluss og minus
Nógv skal lærast fyrstu skúlaárini. Stuttligar uppgávubøkur styrkja læringina, og barnið kann fáa eina betri fatan av tí, tað lærir í skúlanum. Umframt at barnið lærir at rokna, verða fínrørslulagið, logiski sansurin og eygleiðingarevnini stimbrað við bókini. Loys uppgávurnar - Lita stuttligu tekningarnar - Finn rætta klistrimerkið til prógvið - Klipp prógvið út og hong tað upp á veggin - Ger tíni egnu roknistykki við klistrimerkjum.
Skúlabyrjan-Klokkan, ein bók um tíð
Ein ítrivsbók til tín, sum vilt læra teg (meira um) klokkuna! Í bókini eru nógvar stuttligar uppgávur við góðum og stuttum frágreiðingum og litríkum myndum. Í bókini kærir tú um: klokkuna, tímar, minuttir, heilar og hálvar tímar og korter tíðina sum hugtak - samdøgrið, vikur, mánaðir og ár vanligu klokkuna og talgildu klokkuna klokkutíðir um náttina og klokkutíðir um dagin. Tú kanst venja við eini veruligari klokku við at flyta pinnarnar á ymsar klokkutíðir. Góða skúlabyrjan!
Hjartastormur - Stormhjarta
Uppliva dreingir og gentur forelskilsi upp á sama máta? Sama søga verður søgd bæði úr sjónarhorninum hjá ávikavist Stormi og Viólu. Søgan nertir við alt millum himmal og jørð, sum hevur við tannáringalívið at gera. Bókin er vakurt myndprýdd í teknirøðsstíli.
Plastruskið í sjónum (19)
Plastruskið í sjónum lýsir, hvussu havið, kovin hjá sjófugli, er um at gerast eitt ruskpláss. Tá iå granskarar kanna deyðar havhestar, sum verða skolaðir uppá land, finna teir plast í maganum á teimum. Soleiðis boðar fuglurin frá, at alt ov nógv plastrusk er í sjónum. Tíbetur kunnu vit saman og hvør sær hjálpa havhestinum og hinum sjófuglunum, og runt um í verðini hava nógv fólk longu funnið upp á smartar uppfinningar og loysnir fyri at fáa ruskið burtur.
Marin fær ein lítlabeiggja (36)
Marin hevur verið ógvuliga spent at fáa ein lítlabeiggja, men tá ið lítlibeiggin er komin, er tað kortini ikki so stuttligt. Hann grætur nógv og illa, og foreldrini eru móð og orka einki, og pápin kallar hana ikki longur fyri sína loppu. Hon hevði heldur viljað havt ein stórabeiggja, sum Amalia eigur, ella eina stórasystur sum Randi. Men er tað nú so galið kortini at eiga ein lítlabeiggja?
Pssst! (46)
Hví eri eg akkurát tann, sum eg eri? Hví bleiv eg ikki ein onnur? Hvat var eg, áðrenn eg bleiv fødd, og hvat verði eg, tá eg doyggi? Hevði eg eisini verið eg, um eg varð fødd onkra aðrastaðni? HVØR ERI EG Í GRUNDINI? Pssst! varpar ljós á smáar og stórar spurningar í lívinum hjá 12 ára gomlu Viólu. Í tí einastandandi samanspælinum millum myndir og tekst fáa vit innlit í tankar hennara um lívið, deyðan, vinir, familju, einsemi, útsjónd og popularitet.
Fílasteinurin
Bapit býr í Thyborøn og líkist ikki hinum. Tað er tí, at hann hevur etið alt ov nógv Nutella, og tí mamma hansara er út Tailandi. Pápin, eum er deyður, gav Bapit ein holstein, sum hann segði hevði gandamegi: Um tú hyggur gjøgnum holið og ynskir tær okkurt, gongur ynskið út. Men hesum trýr Bapit ikki. Ikki fyrr enn alt knappliga verður ovboðið.
Dreingirnir (42)
Dreingirnir er ein lýsing sum eingin onnur av tannáringum. Hon sameinir tað strævna í gerandisdegnum við tað vakra og gandakenda í eini søgu um uppvøkstur, broyting, kærleika og vinalag. Aftast í bókini er ógvuliga áhugaverd samrøða við høvundin ymiskt, sum hon leggur dent á í skriving sínari, umframt stuttsøgan "Glashúsið."
Darwin um upprunan til sløgini (20)
Frá ótrúligum fjølbroytni til stríðið fyri at yvirliva, frá minstu bakteriu til stóra Lívsins træ: í hesi vøkru tillaging av kenda verkinum hjá Charles Darwin verður slóbrótandi ástøðið, sum broytti heimin, drigið fram í ljósmála: LÍVMENNING
Gangstaraomman
Omma Ben er sum flestar aðrar ommur:– Hon hevur hvítt hár– Hon hevur handilstenn– Hon hevur brúkt lummaturriklæði í ermuni– Og ... hon er ein altjóða gimsteinatjóvur! Ben gistir hjá ommu síni hvørt einasta fríggjakvøld, og hann heldur, at omman er nakað so keðilig.Hon vil bara spæla Scrabble, og allur maturin, sum hon ger, er úr káli.Eitt púra vanligt og keðiligt fríggjakvøld finnur Ben gimsteinar í einari køkudós hjá ommuni.
Tað var ikki eg! segði Robinhundur (15)
Øll halda altíð, at tað er Robinhundur, sum hevur gjørt fortreð í barnagarðinum. Men tað passar ikki. Tað var ikki hann, sum stoytti mjólkina. Tað bleiv bara soleiðis.
Klukkudrotningin (24)
Tann óndi klukkusniðgevin, Lucretia Cutter, hevur slept sínum gulu mariuhønunjósnarum leysum – og hon hevur eina lúnska ætlan. Tá ið Darkus, Virginia og Bertolt fáa enn fleiri prógv um, hvat hon ætlar, eru tey púra avgjørd – hon má steðgast! Men tey trý vinfólkini eru í trupulleikum. Pápi Darkus hevur bannað teimum at gera fleiri kanningar – og teir ótespiligu svindlararnir, Humphrey og Pickering, eru slopnir úr aftur fongslinum. Nú liggur alt á Novak, dóttur Lucretiu.
Mín fyrsti fívil (20)
Fívil er øðrvísi. Hann er sum eitt klútateppi og ikki fílalittur. Fívil er altíð stuttligur og fær hinar fílarnar at flenna. Ein dagin rullar hann seg í fílalittum berum, og so fer Fívil at vita, um hinir fílarnir kenna seg aftur.
Hundatúrurin
Hugsa tær at sleppa ein túr við stóra hundinum hjá ommuni? Bara ein lítlan túr út at pissa. Far ikki ov langt! Nei. Bara ein lítlan túr. Og tú mást ikki vera ov leingi burtur! Minst til tað! Hvussu leingi man tað vera? Tað er ikki gott at vita. Og hvør er tað í veruleikanum, sum gongur túr við hvørjum?
Tá Mumbo Jumbo varð risastórur (13)
Tann einasta, sum kann gera Mumbo Jumbo lítlan aftur, er heksin Baba Jaga. Og hon býr í Sibiria, 10.000 km burturi. Tað verður ein long, vandamikil ferð. Men hvør er Baba Jaga, og hvussu fer hon at gera Mumbo Jumbo lítlan aftur?