Kynstur við kortum
Ger vinir tínar bilsnar við hesum frálíku kynstrum við kortum.Vegleiðingarnar, sum eru lættar at fylgja, vísa, hvussu tú finnur fjald kort, avdúkar fýra ess á rað, letur eitt útvalt kort leypa út úr kortunum og mangt, mangt annað.Bókin lærir teg teir týdningarmestu grundsteinarnar í gykli við kortum. Tey lumpisligu blandini,at taka snildisliga av og at geva fimi.Tú kanst lesa um nakrar av heimsins kendastu gyklarum og fáa prei um,hvussu tú kanst gera framførðslur tínar minniligar hjá áskoðarunum.
Trapputrinus
Í bókini eru 17 fitt, smá rím: Mánaferðin hjá Lítluni - Allir seyðamenn í Hesti - Veltipetur - Knút - Trapputrinis og mong onnur skemtilig rím.
Teseus 1 Tey trý portrini
Í gráu skýmingini hoyrir Teseus hin villa láturin. Barnið fer at skelva av ljóðinum. Teseus reisist og fer út. Eitt hart ljóð fær hann at hyggja aftur um seg.Aftan fyri hann stendur hin størsta súgvin, hann nakrantíð hevur sæð.Hon er meira enn tríggjar ferðir so stór sum hann sjálvur.Eyguni lýsa reyð. Langar tøkutenn stinga út út kjaftinum. So hoyrir hann aftur hin ónda láturin.Hann hyggur at Gráu.Hon situr á nakkanum á súnni.Hon líkist einum deyðum, sum hevur ligið leingi í grøvini.
Tey vesalu - Victor Hugo
Tað tykist, sum tað aldri fer at eydnast fátæku Cosette at flýggja frá teimum harligu Thénardier-hjúnunum. Hon er bara átta ára gomul, men tey noyða hana at arbeiða nógv og hart hvønn dag. Jean Valjean hevur lovað mammu hennara, at hann skal bjarga gentuni, men Javert, løgregluovasti, er í hølunum á honum. Fer tað at eydnast tí ágangandi ovastanum at fongsla Jean Valjean? Og um hann fer í fongsul, man so Cosette nakrantíð fáa frælsið?
Luridiumstjóvurin 1
Hetjan í søguni eitur William Wenton. Hann er 12 ára gamal og ein vanligur drongur.Ella? Nei.William Wenton er– sum tú kanska longu hevur gitt–ongin vanligur drongur.Hann er heimsins besti kotutýðari.Men tá ið bókin byrjar,veit hann onki um júst tað. William hevur altíð undrast á, hví familjan knappliga mátti broyta navn og skundisliga flyta úr Onglandi til Noregs fyri átta árum síðan. Honum leingist eisini eftir abbanum, sum á gátuføran hátt hvarv, júst tá ið tey máttu flyta.
Koyr á, Lovisa!
Fyri at sleppa undan at spæla cello, sum mamma hennara vil, fer Lovisa at sparka við gentuliðnum í Råninge BK. Hinar á liðnum hava longu vant leingi, so Lovisa kemur beint í eldin við venjing og dystum. Mamman og pápin skilja onki, men tað er í hvussu er betur enn pápin hjá Isabellu, sum altíð stendur og geylar við vøllin. Hann sýnist at vilja vinna meira enn genturnar sjálvar.
Julia og bjargingarvesturin
Julia skilur, at hon sleppur ikki at fiska í ongum bjargingarvesti. Og hóast hon sigur mammuni, at hon fær ikki andað í vesti, og tað tí ikki ber til hjá henni at fiska, er mamman avgjørd:hon skal í vest! Julia er eitt sindur ill, tá hon letur seg í bjargingarvestin, men tá hon fer út í tún við glúpi og spann, er hon so spent, at hon gloymir at vera ill. Og tað er gott, tí skjótt endar galið!
Føroyska rokksøgan (9)
Bókin lýsir rýtmisku tónleikasøguna í Føroyum frá frumrokki til altjóða tónleikapallin í 10´num. Bókin er skipað í tíggjuáraskeið frá fintiárunum fram til nú. Lýst verða rák, persónar, bólkar og støð, sum hava havt týdning fyri føroysku rokksøguna. Rokktónleikur hevur havt eina stóra ávirkan á samfelag, mentan og búskap um allan heim. Føroyar eru einki undantak í so máta.Hesin tónleikur hevur myndað ættarlið síðan annan verðaldarbardaga fram til í dag.
Óendaliga vera (23)
Skaldsøgan flytur seg hegnliga millum samtíð og fortíð í lýsingum av hendingum og persónum í Havn og á bygd í 20. øld og á okkara døgum. Persónslýsingarnar eru sterkar, og myndamálið er neyvt og beinrakið. Samtíð og fortíð, trupuleikar og spurningar hjá fleiri ættarliðum ranna saman í eina heilskapaða og hugfangandi søgu um svik, tøgn, longsul og kærleika.
Stjørnan (38)
Pápi Jákup siglir úti. Tá ið hann er heima, hugna tey sær, Jákup, pápin og mamman. Húsið fær líkasum nýtt lív, og tí er Jákup keddur, tá pápin noyðist av stað aftur. Tá ið so boðini koma um, at pápin er burturblivin, gerst støðan nærum ikki til at bera. Tíbetur hevur Jákup pápabeiggjan Ollaba. Ollaba vísir honum á stjørnuna, sum kann veita honum ugga.
Tey, sum ikki eru til
Pappírleys menniskju búgva alla staðni; tey, sum ikki eru til. Samuel veit, hvat tað vil siga at lata alt frá sær við vón um eitt nýtt og betri lív í Evropa. Hann hevur gjørt tað fyrr; tá ið hann flýggjaði úr Vesturafrika til Kanariuoyggjarnar. Ta Tað ferðina royndi Emilia at hjálpa at hjálpa.Kortini varð hann funnin og sendur aftur.Tað seinasta, Emilia gav honum, áðrenn hann varð noyddur av stað,var ein pappírslepi við bústaði hennara á. Nú stendur Samuel uttanfyri húsini,har hon býr í Bærum.
Rændur
Farbróður David Balfour, tann óreini og grammi Ebenezer Balfour, selur David sum træl og vónar harvið at vera sloppin undan honum fyri allar tíðir. Men David fær hjálp frá Alan Breck, ið er friðleysur og uppreistrarmaður, at krevja sín rætt og fáa hendur á góðsinum, Shawhúsinum, ið farbróðirin hevur stolið frá pápa Davidi. Hetta er søgan um ein lágskota og ein háskota og ótrúliga ævintýr teirra....
Kroppur, kenslur og kynslív (28)
Henda bókin er til tey ungu, sum vilja vita meira um alt, sum hevur við kroppin, kenslur og kynslív at gera. Bókin er um kroppin, útsjónd, kærleika og tað, sum kann vera pínligt at tosa um. Bókin er ein faktabók, men eisini ein bók um tað, sum tú hevur inni við teg sjálva/n, og um hvat er rætt fyri teg.
Beinta 4- Hetta kann bara enda væ
Tvær heilar vikur sunnanfyri. Hvítur sandur, bláur sjógvur. Tað kitlar í búkinum á Beintu, og Sára er glaðari, enn hon hevur verið leingi. Nú verður alt ørvísi!
Ein móti øllum!
Malja sleppur ikki inn í holuna hjá dreingjunum. Teir siga, at hon luktar. Karin heldur dreingirnar vera óreinar. Hon heldur tað verða synd í Malju. Men so ger Malja nakað býtt. Nú veit Karin nóg illa, hvat hon skal halda. Er tað framvegis synd í Malju?