Hvussu kamelur fekk kúluna
Einaferð, tá ið heimurin enn var nýggjur, hevði kamelurin onga kúlu. Hetta er søgan um hvussu hann fekk kúluna.
Úlvarnir 2
Eitt langt ýl beint við fær tað at renna kalt eftir bakinum á Marki. Við villum ýlum leypa Úlvarnit á hann. Nakrir Úlvar taka Mark inn í eitt lítið rúm, har nakrir sementsekkir liggja. Nú er hann greiður yvir, at teir veruliga ætla at seta hann í sement. Harkaliðið meinti tað í álvara!
Hatar, hatar ikki
Kim hatar alt: boksing, familjuna, lívið. Men tað má vera okkurt, honum dámar
Mátiupphang - Soleiðis veksur tú
Sera fit mátiupphang at máta hæddina á barninum. Mátar upp frá 40 cm í 150 cm. Gjørt úr sterkum pappíri.
Bókin um teg
Bókin um teg er ætlað foreldrum og avvarðandi at skriva alt um teg. Her ber til at savna stuttligar og minniligar hendingar og smá gullkorn frá fyrstu árunum. Upplýsingar um mangt og hvat - nær, hvar og hvussu - sum annars er so lætt og skjótt at gloyma. Her er pláss at skriva niður ymiskt um barnið, frá førðingini til fyrstu fetini, frá yndissøguni til fyrstu skúladagarnar. Í bókini er gott pláss at seta myndir inn. Henda bókin er ein dýrgripur, tú fert at fegnast um alt lívið.
Svans á listasavninum
Tá ið listasavnið í Svipstrup skrivar út eina listakapping, verða tey í 3. A øgiliga spent, tí ímynda tær, at teirra flokkur vann? Men Foxy og Mikkjal varnast, at onkur snýtir, og at kanska sjálvur borgarstjórin er uppií. Tí leggja tey eina snilda ætlan um at bróta inn á savnið. Tað kann sjálvandi bara ganga galið - og tað ger tað í ólukkumáta ...
Harry Potter 4 v/myndum - og eldbikarið
Við makaleysum listarligum dugnaskapi gandar listamaðurin, Jim Kay, fram hugtakandi hendingar og yndispersónar: Illoygda Moody, Viktor Krum, Ritu Skeeter og fleiri onnur, ímeðan Beauxbatons, Durmstrang og Hogwarts stríðast fyri at vinna trígandasteypið í hesari einastandandi myndprýddu útgávuni av fjórðu bókini í sera væl umtóktu bókarøðini eftir J. K. Rowling.
Dugir tú onki, Pettson? (27)
Findus dugir næstan alt. Men hvussu við Pettsoni? Hygg, hvussu Findus bjóðar Pettsoni av at gera alt møguligt løgið. Men tað er eitt, sum eingin dugir betur enn Pettson. Sjálvandi.
Snjósystirin (9)
Skjótt verður jólaaftan, sum eisini er føðingardagurin hjá Jóali. Tað plagar at vera besti dagur í árinum, tá ið jólatræið stendur pyntað, og ljósini eru tendrað, luftin er full av anganum av klementinum og piparkøkum, og tað brakar í opna eldstaðnum Hendan jólasøgan í 24 pørtum fær tann gandakenda hýrin fram, sum tú kennir aftur úr Einum jólaævintýri eftir Charles Dickens ella úr søgunum hjá H. C Andersen.
Norð
Forna norðurlendska gudalæran og gloymdar náttúruverur fáa lív, tá ið 14 ára gamla Norð fer at leita eftir mammuni, sum er horvin. Á vegnum hittir hon tríggjar lívsklókar lagnugudinnur og íkornadreingin, Ratatosk, sum vísa henni veg niður í undirverðina Nivlheim. Her, djúpt inni í kjarnuni á jørðini er tann óndi drekin Niðhøggur í ferð við at gnaga lívsins træ,Yggdrasil, sundur. So við og við fatar Norð, at jørðin,er við at ganga undir,og at hon er tann einasta,sum kann bjarga henni.
Vafluhjørtu (41)
í bókini fylgja vit Trilla og Lenu gjøgnum lív og vafludeiggj í eitt heilt ár. Mangan gongur tað vilt fyri seg í lítlu víkini, har tey búgva.Tey gera rennistrong millum húsini, spæla annan veraldarbardaga og framføra ónleik á gøtuni. Tá er gott, at tey hava sovoriðin sum abban og tey at fáa skil á øllum aftur. Men hvat nú, um okkurt er, sum ongin fær skil á aftur?
Skrímslið og menniskjuni
Í fyrstani sá eg bara logar, sum dansaðu runt í myrktinum.Síðani sá eg, at tað vóru menniskju, sum hildu á brennandi kyndlum. tey vóru savnað runt um bókasavnið. Menniskjuni verða bangnari og bangnari fyri skrímslunum. Jähkel-tannlæknin í býnum - er leiðari av einum bólki, sum lovar at loysa skrímslatrupuleikan einaferð med alla. Hjá Frank og skrímslavinum hansara hevur tað størri týdning enn nakrantíð at krógva seg og ikki avdúka sínar loynidómar.Men síðsta uppgerðin nærkast....
Stevnumøtið
Mai og Fríða eru bestu vinkonur. Men so hittir Fríða Jóhan, og Mai veit ikki rættiliga, hvat hon skal gera av sær. Hví dámar Fríðu ikki Palla longur, tað gjørdi hon jú fyri eini viku síðan? Torir Mai at fara á stevnumøti við Fríðu og Jóhani og vini hansara, Tóri ? Og man dreyma-sjeikur hennara vera onkustaðni ?
Svartideyði
Í oktober í 1347 herjaði ein ræðulig pest Evropa. Sjey ár seinni var helvtin av íbúgvunum í Evropa deyðir av pestini. Til samans kravdi svartideyði í øllum førum 100 milliónir mannalív. Hetta er søgan um pestina, sum broytti heimin fyri alla tíð.
Steinøldin
Nær var steinøldin ? Hvussu gjørdu fólk amboð úr steini ? Hvat ótu tey, og hvar búðu tey ? Í hesi bókini fært tú nógv at vita um steinøldina.
Jarnøldin
Nær var jarnøldin? Hvussu gjørdu fólk jarn ? Hví var jarn gott til at gera tól og vápn burturúr ? Hvussu vóru fólkini, sum livdu í jarnøldini ? í hesi bók fært tú nógv at vita um jarnøldina.