Wimpy Kid 1: Dagbókin hjá einum vussi
Harry Potter Gandaálmanakkin
Sveima avstað til gandaheimin hjá Harry Potter. Uppliv ótrúlig støð, granska gandastavslæru, møt undursomum djórum og lær um gandafólkini, sum livdu. Frá flokkingarhattinum til rúnaristing, alt finnur tú her! Hvussu nógvar trappur eru í Hogwarts? Hvør hevur ein svan sum patronus? Hvat hevur Hagrid í lummanum? Hvar kanst tú keypa eina pygmepístru?
MIST KALL (10)
Ein mánað aftan á 22. juli fara Rebekka og Fariba í miðnámsskúla. Fariba teknar seg sum lim í AUF, og Rebekka hevur nógv um oyruni: kabarettina, Daniel við krúllunum, ball, skúla og vinir. Trupulleikin er bara, at Rebekka alla tíð hugsar um tað, sum hendi. Mist kall er ein grafisk skaldsøga um yvirgangsatsóknina á Utøya, um lívið aftaná og um øll tey, sum vit sakna, hóast vit ongantíð lærdu tey at kenna.
Afgansku synirnir (36)
Rebekka er akkurát byrjað at arbeiða á sambýlinum. Hon hevur verið á innleiðslu skeiðinum og fylgir øllum reglunum, sum standa í mappuni. Hvønn dag møtir hon Ahmed, sum dansar við lendunum, Hamid, sum hevur eitt bræv frá Útlendingastovuni liggjandi á náttborðinum og Zaher, tann nýggjasti á sambýlinum, sum flytur seg kvirt eftir gongunum í sínum glitrutu sandalum. Rebekka roynir at halda eina fjarstøðu ímillum seg og dreingirnar, ikki koma ov tætt uppá.
Søgur til dreingir, sum tora at vera øðrvísi (9)
Ein bók við 100 hugvekjandi søgum um dreingir, eldri sum yngri, kendar sum ókendar, sum gjørdu sítt til at gera heimin til eitt betri stað við teirra arbeiðssemi, gávumildni og sjálvsáliti. Sannar søgur um ótrúligar dreingir, sum broyttu heimin uttan at drepa drekar. *Ongar superhetjur ella prinsessur at bjarga her.
Stjørnusjeikur (28)
Tey hava bíðað við tí besta til síðst. Eingin ivi. Hinir luttakararnir úr Noregi eru longu presenteraðir, men nú kemur „Dreymadrongurin hjá øllum Noregi” sendandi inn frá síðuni, og eg fái púrasta andaneyð av tankanum um, hvussu øll hini hundrað túsundatals fólkini, sum sita og hyggja at honum beint nú, halda, at hann sær út. Tí hann sær ótrúliga gott út. Hann er sólbrúnur og hevur langan frunt, júst sum á plakatunum, og er í eini kritahvítari blusu og kovboyjakka.
Heimurin hjá Suffíu 1. Heimspeki
Ein dagin fær Suffía eitt bræv við hesum løgnu spurningunum. Tá byrjar eitt sjáldsamt samband ímillum okkara ungu, forvitnu hetju og tann loyndarfulla heimspekingin. Spurningarnir hópa seg upp, og Suffía verður blakað út í eitt ævintýr, har hon ferðast ígjøgnum heimspekiligu søguna hjá vesturheiminum. Hon lærir eina rúgvu um teir størstu heimspekingarnar, men mest av øllum lærir hon um seg sjálva.
Himmaleldur (38)
Hann tók telefonina upp. Steðgaði á, tá hann sá navnið á skíggjanum. Alt sá út, sum tað plagdi: eitt sindur av klæðum lógu tveitt á dýnuni, heimaarbeiðið lá slongt á skriviborðinum. Klokkan tikkaði við síðuna av songini. Tann einasti munurin var, at navnið hjá Eriki lýsti á telefonini. At røddin á Eriki bara var eitt fingratrýst burtur. Hann kundi ikki svara. Hann kundi heldur ikki lata vera við at svara.
Eldgos (45)
”Hvar hevur tú lært hatta? Hatta har, sum tú gert?“ ”Tað eitur parkour,“ sigur hann. ”Tað er eitt slag av ítrótti, har mann brúkar býin sum bana.“ Idris flýgur fleiri metrar gjøgnum luftina. Bingjan gevur eitt doyvt duk frá sær, tá hann lendir á tí grøna plastlokinum. Hann rennur við longum fetum. Annar fóturin nær akkurát at raka bingjuna, áðrenn hin fóturin er á veg ímóti tí næstu.
Stjørnucrush (35)
Karolina við K er ein púra vanlig genta úr einum púra vanligum staði, sum verður forelskað í einum púra vanligum dreingi, á „tvingsilskampingtúri” við ommuni. Hugsa tær um títt 'crush' brádliga var kendasti persónur í landinum? Tað verður til forelskilsi, fyrsta mussin og nógvar fløkjur. Stjørnucrush er fyrsta bókin í stjørnusjeikatríverkinum: 1. Stjørnucrush 2. Stjørnusjeikur 3. Stjørnugossip
Rangstøða (22)
Í skaldsøguni Rangstøðu eftir Danial Viðoy hoyra vit meira um Bartal, sum vit komu at kenna í Tvístøðu. Tilverugrundarlagið er broytt. Bartal er fluttur til Keypmannahavnar og roynir at finna seg til rættis í stórbýnum, har møguleikarnir eru nógvir og freistingarnar stórar. Men júst sum gerandisdagurin er byrjaður, verður Bartal knýttur í eitt stríð, hann heldur vildi verið fyriuttan. Óveruleikakendar avdúkingar broyta tilverugrundarlagið, og lívið bankar aftur uppá.
Comedy Queen (30)
YMISKT, EG MÁ GERA FYRI AT YVIRLIVA: Klipp hárið av. Royn ikki at taka tær av nøkrum, sum livir. Les ongar bøkur. Far bara í litføgur klæðir. Hugsa ikki ov nógv (helst slett einki). Ikki ganga túrar. Ikki fara í skógin. Ver ein COMEDY QUEEN Mamman hjá Sashu fekk fólk at gráta. Hon fær enn fólk at gráta, hóast hon ikki livir longur. Tí hevur Sasha gjørt ein lista. Fyri ikki at blíva sum mamman eru tað sjey ymisk ting, hon má gera.
Rustaði Heimurin 3 - Ókrút (37)
Tey fýra systkini hava sett seg upp ímóti risafyritøkuni Atlas og tí óhugnaliga Døkka Gubba. Men nú eru Píl, Petur, Bowie, foreldrini og abbin fangað í Atlastorninum. Bara lítlasystirin Ramona gongur leys. Hon er stødd skeivumegin elektropulsmúrin í rusklandinum Danmark, men tíbetur hevur hon tann tonsatunga námsrobottin, Rusk, hjá sær, og tey bæði ætla sær at bjarga familjuni. Ókrút er triðja bók í røðini Rustaði heimurin.
Vanvarði -Tóra II (20)
Huldufólk eru at finna í íslendskum og føroyskum tjóðminnum. Tey eru yvirnatúrligar verur, sum liva í náttúruni. Tey síggja út og bera seg at sum menniskju, men liva í einum parallellum heimi. Tey hava evnini at gerast ósjónlig, tá tey hava hug. Vanvarði er onnur bók í røðini um Tóru og hennara stremban eftir at finna útav, hvør hon sjálv er í einum heimi, sum vísir henni eina síðu, sum Tóra ikki ánaði var til.
Harry Potter 5 v/myndum - og Føniksfylkingin (5)
Í einum ári fylt við loynidómum og lokabrøgdum, verður hvør smálutur í skúlalívinum rannsakaður av froskalíku Dolores Umbridge, Stórinkvisitori, ið Gandamálaráðið hevur sett at sneyta eftir Dumbledore og hansara víðagitna næmingi. Men dirvið veksur fram millum nakrar úrvaldar næmingar, ið gera av at seta á stovn Vápnið hjá Dumbledore til tess at spilla spælið hjá Umbridge professara og venja seg í gandaverju, so tey kunnu standa seg í bardaganum móti myrkursins maktum.
Okkara oyggj (32)
Tá mamma teirra doyr, mugu systkini Holly, Jonathan og Davy stríðast fyri at klára seg sjálv. Tá ríka, men løgna abbasystir teirra, Irene, fær eina heilabløðing, vitja tey hana á sjúkrahúsinum. Hon gevur Holly eina myndamappu, sum er full í sporum sum kunnu føra til ein virðismiklan skatt. Finna tey skattin, eru tey bjargað. Men tað eru ikki bara tey, sum vilja hava hendur á skattinum …