Ferðafuglur
Um atburð fuglanna undir flyting, og um hvussu stóran týdning umhvørvið hevur fyri henda partin av náttúru okkara. Evni, ið verða viðgjørd eru: Ferðir og vetrarvist hjá fugli. Hon er ætlað øllum, sum hava áhuga fyri og undrast á, hvar fuglur okkara fer og hvørja leið, hann flýgur ta longu ferðina í millum summar- og vetrarvist.
Framlop í fjarðskifti
Hvussu verður vorðið í heiminum í morgin? Seinastu árini er lívsháttur okkara broyttur í stórum, nógv meir enn nakran hevði grunað fyri hálvthundrað árum síðan. Í fjarskiftisheimi kunnu vit koma á tal við fólk hinumegin knøttin eftir ongari løtu, og tíðindi og upplýsingar um alt fleiri og fjølbroyttari evni fáa vit við at trýsta á ein knapp. Fyrimunirnir av fjarðskiftiskollveltingini fara at geva seg til sjóndar í nýggjum og forvitnisligum lívslag í árunum, sum koma.
Plastruskið í sjónum (19)
Plastruskið í sjónum lýsir, hvussu havið, kovin hjá sjófugli, er um at gerast eitt ruskpláss. Tá iå granskarar kanna deyðar havhestar, sum verða skolaðir uppá land, finna teir plast í maganum á teimum. Soleiðis boðar fuglurin frá, at alt ov nógv plastrusk er í sjónum. Tíbetur kunnu vit saman og hvør sær hjálpa havhestinum og hinum sjófuglunum, og runt um í verðini hava nógv fólk longu funnið upp á smartar uppfinningar og loysnir fyri at fáa ruskið burtur.
Viðarlundir í Føroyum (50)
Ætlanin við bókini er at vekja áhuga fyri trævøkstri og at vísa á, at tað eru ikki so fáar viðarlundir í landinum, og at tað ber til at planta fleiri trø. Myndir eru av øllum tólv viðarlundunum, umframt av ymsum vøkstrum sum vaksa í viðarlundunum. Tað er væl hugsandi at foreldur, lærarar og námsfrøðingar kunnu fara útferðir í viðarlundum og hava bókina við, hvør veit, kanska onkur kemur fram á eina plantu, sum stendur umrødd í bókini. Ella at alskur til náttúruna økist millum stór og smá.