Gott hugflog, Hugo

Bókadeild Føroya Lærarafelags

57,00 kr  Spar 5,00 kr

  • Síður: 278
  • Útgávuár: 2007
  • Upprunamál: føroyskt
  • Innbinding: innbundin
  • Rithøvundur: Rakel Helmsdal
  • Myndir: Carré/Fuglø
Deil:
Fjórða bókin um Viktor Hugo Persson, sum býr í býnum Port Janua.
Spennandi søgan fer fram í Altheubrekku í Gamla Býi, men eisini í Svørtuborg, har søgan fær eina óvæntaða snaring.

Ferð kemur á hendingarnar, beint sum frásøgan byrjar:

”Tað var ein regnvátan, lýggjan februardag, tá eg saman við vinmanni mínum, Stefani Kondor, gekk niðan Altheubrekku í Gamla Býi, at eg sá tað.
Eina hond, sum kvikliga kom út gjøgnum eitt hurðarglopp, læt lokið á ruskspannini upp, slepti einum posa niður í og hvarv eins kvikliga inn aftur. Síðan varð hurðin klamsað aftur í lás. Kroppin, ið mundi hoyra til hesa hondina, sá eg ongantíð.”
 
Hondin við ruskposanum og ein njósnaraskaldsøga fær hugin á Hugo á flog, og áðrenn Hugo og vinirnir vita av, eru teir drignir inn í eina spennandi søgu. Sum dagarnir ganga, vísir hetta seg at vera nógv meira órógvandi, enn teir hava roknað við.