Um Bókaklubban

Í 1986 var Bókaklubbin hjá Bókadeild Føroya Lærarafelags settur á stovn. Endamálið var at geva fólki høvi at ogna sær bíligar bøkur, av tí at tað fáa staðni í landinum vóru og enn eru bókhandlar.

Bókaklubbin er býttur í fimm bólkar: 

  • Smábarnabøkur
  • Myndabøkur
  • Tekstbøkur til yngri børn
  • Tekstbøkur til eldri børn
  • Ung

 

Átta klubbabøkur um árið

Bókaklubbin sendir átta umfør við klubbabókum út um árið.

Ynskir tú IKKI at fáa klubbabókina í tínum aldursbólki, ber til at býta hana um við eina aðra bók í staðin.

Vilt tú býta um, boðar tú bara frá umvegis heimasíðuna ella við at senda teldupost til bokaklubbin@bokaklubbin.fo ella við at ringja til 23 57 76.

Á bokaklubbin.fo ber altíð til at keypa fleiri bøkur - har er ALTÍРopið!

Ókeypis at vera limur í Bókaklubbanum

Tað kostar onki at vera limur í Bókaklubbanum, tú rindar einans fyri bøkurnar, sum tú fært.

Klubbabøkurnar eru rættiliga ymiskar, bæði tá ið talan er um teir ymisku bólkarnar, síðutal o.a., og hetta sæst sjálvandi aftur á prísunum. T.d. kostar pappbókin Mínir fyrstu litir við 36 síðum til yngsta bólk 66,- krónur, og Drápsmansapan til elsta bólk á 620 síður 238,- krónur. 

Hvat kosta bøkurnar?

Á bokaklubbin.fo kanst tú velja millum 1000 føroyskar bøkur. Allir prísir eru íroknaðir postgjald, og bøkurnar kosta altíð minni enn í bókahandlunum, tá tær liggja í tínum postkassa.

Kunning við tíðindabrævi

Øll kunning frá Bókaklubbanum verður send út við tíðindabrævi. Í tíðindabrøvunum verður millum annað greitt frá komandi klubbabókum og nýggjum bókum, umframt at upplýst verður um góð bókatilboð, tiltøk og annað.