Mats Wahl - bøkur merktar við "Happing"

Foto: Casia Bromberg

 

Mats Wahl er føddur 10. mai 1945 í Malmö. Tá ið Mats var 2 ára gamal flutti mamman frá pápanum og heim til foreldrini. Tey áttu sjey børn frammanundan, og Mats gjørdist so teirra áttanda barn. Tólv ára gamal fluttu hann og mamman til Stokkhólm, har hann gekk í skúla. Mats kendi seg mangan útihýstan og ólukkuligan.

Í 1961 hendi nakað sum broytti lív hansara: Ernest Hemmingway tók lívið av sær, og øll bløðini skrivaðu um hendingina. Mats las um hetta í bløðunum og fekk hug at lesa bøkurnar hjá honum; tá ið hann kom at kenna tað sum Hemmingway hevði skrivað, gjørdi hann av at gerast rithøvundur sjálvur.

Fyrsta bókin, hann skrivaði, var På spaning efter Växandets punkt. Hon kom út í 1978 og er ein fakbók um námsfrøðilgit arbeiði við ungdómi í kreppu. Síðan hevur hann skrivað ein hóp av bókum og leikum, eisini er bókin Hin ósjónligi gjørd til film tvær ferðir. Mats Wahl tekur ágrýtin lut í samfelagskjaki í Svøríki.

 

  

Útgávur:

1992 Maj Darlin

1993 Bølarin

1996 Vetrarvíkin

2002 Hin ósjónligi

2005 Hevnd

2006 Kill

2009 Fortíðar syndir

2014 Vanja og Villi

 

Ummæli:

Anne-Marie Alfvén-Eriksson: Ett farligt vatten skiljer pojken från den älskade. Dagens Nyheter 16. okt. 1993

Bergljót av Skarði: Vetrarvíkin. Skúlablaðið nr 4 - 1996

Peter Grönborg: Överallt dolda djup. Borås Tidning 12. september 2002

Caroline Ringskog Ferrada-Noli: Mats Wahl: Vanja och Ville. Expressen 9. mai 2014

 

Heiður:

1989 Nils Holgarson-plaketten fyri Maj Darlin

1990 Norsisk Skolebibliotekarforenings Børnebogspris fyri Maj Darlin

1993 Augustpriset

1994 Janusz Korczaprísin (Polen)

1996 Deutscher Jugendlitteraturpreis

2002 Gustav Heinemann Friedenspreis (Týskland)

2002 Priset till Adam Brombergs Minne

 

Heimasíða:

www.storyland.se