Lisa Golbe

Lisa Golbe er fødd og uppvaksin í einum lítlum býi uttan fyri Linköping í Svøríki.
Eftir at hava tikið prógv í grafiskari sniðgeving á Cumbria universiteti í Onglandi, gekk leiðin til Føroya, har hon hevur starvast sum grafiskur sniðgevi og listastjóri á lýsingardeildini hjá Sendistovuni.
Hon hevur harumframt myndprýtt skúlabøkur og hevur teknað til Mína jólabók síðan 2007.
Síðan 2011 hevur hon búð aftur í heimbýnum, har hon arbeiðir við sniðgeving og marknaðarføring fyri familjuna, sum eigur eitt mostarí.

Myndprýðingar:

2008 perma, forsatsur, vignettir í Míni jólabók

2009 perma, forsatsur í Míni jólabók

        Eingilin Egin (Theodor E. D. Olsen)

2010 perma, forsatsur í Míni jólabók

        Hugaferð til Betlehems (Steingrím Niclasen)

        Kom og keyp frá mær í dag, Nei-land og Ja-land (Halfdan Rasmussen)

2011 perma, forsatsur í Míni jólabók

2012 perma, forsatsur, uppgávusíður í Míni jólabók

2014 Mín jólabók