Jørn Jensen

Jørn Jensen er danskur rithøvundur, føddur í 2. januar 1946 í Taastrup.

Hann hevur útbúgving sum gullsmiður og seinni sum lærari.

Hann er serliga kendur fyri at skriva frílesingarbøkur til fólkaskúlanæmingar.

Bøkurnar, ið hann hevur skrivað, eru fleri enn 300 í tali, og nógvar eru vorðnar klassikarar, t.d. bøkurnar um Pál og pápa hansara.

Hann hevur starvast sum rithøvundur burturav síðan 2002.

Jørn Jensen hevur bara skrivað bøkur til veikar lesarar. Um starv sítt sigur hann:

”Tær lættastu frílesingarbøkurnar eru eyðkendar av, at søgurnar eru stuttar, orðini eru stutt, setningarnir eru stuttir og settir í stuttar lesilinjur.
Børn skulu kunna lesa lættar frílesingarbøkur, uttan at ein vaksin hjálpir teimum.
Prentið skal vera lætt at lesa.
Søgurnar skulu myndprýðast, og teksturin má ikki fara inn yvir myndirnar og soleiðis gerast óklárur.
Hugtaksverðin skal hóska til aldurin á børnunum – og bøkurnar skulu vera stuttligar, spennandi ella áhugverdar, annars lesa børn tær ikki.
Hvørja ferð eg skrivi eina bók, geri eg av frammanundan aldur, lixtal og tekstmongd.
Lix verður brúkt at rokna út, hvussu lesiligir tekstir eru.
Lættastu bøkurnar, eg havi skrivað, hava lix, sum er minni enn 4. Tað hevur við sær, at setningarnir sum heild skulu hava færri enn 4 orð. Long orð mugu ikki brúkast – orð við meira enn 6 bókstavum.”

Útgávur:
2008 Krabbabók - Gev mær posan, Rói (appilsingul)
Krabbabók - Pál ansar kettuni (appilsingul)
Krabbabók - Rói og Sanna (appilsingul)

2009 Krabbabók - Kalt blóð 1. Tey horvnu børnini (blá)

Krabbabók - Kalt blóð 2. Hin svaki professarin (blá)

Krabbabók - Pál fer til læknan (appilsingul)

Krabbabók - Kalt blóð 3. Hin stóri dreygurin (blá)

Krabbabók - Kalt blóð 4. Tú ert deyður, Teitur! (blá)

Krabbabók - Kalt blóð 5. Rýmdur (blá)

2010 Krabbabók - Kalt blóð 6. Hitt triðja træið (blá)

Krabbabók - Kalt blóð 7. Steðga bumbumanninum (blá)

Krabbabók - Rói gandar (appilsingul)

Krabbabók - Smakka maðkar væl? (appilsingul)

2011 Krabbabók - Hundurin hjá Sáru (reyð)